Рўйхатни беркитиш
Дарслар рўйхати
1445 йил 8 шаввол | 2024 йил 17 апрель, чоршанба
Минтақа:
ЎЗ UZ RU EN
Ақийда

Иймоннинг зиёда ёки ноқис бўлиши | Ақийда дарслари (253-дарс)

19:00 / 13.11.2023 1559 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Иймоннинг зиёда ва кам бўлиши кўпгина тортишувларга сабаб бўлган масаладир. Лекин Аҳли сунна ва жамоа уламоларининг тортишувлари моҳиятда эмас, суратдадир. Баъзилари тўғридан-тўғри: «Иймон зиёда ва кам бўлади», десалар, бошқалари: «Иймоннинг асли бир, аммо унга тааллуқли ишлар, амаллар зиёда ёки кам бўлади», дейдилар.

Бу тортишувларга уларнинг иймонни турлича таъриф қилганлари сабаб бўлган. «Иймон тасдиқ, иқрор ва амалдан иборат», деганлар «Иймон зиёда ва ноқис бўлади», дейишган.

«Иймон тасдиқ ва иқрордир» деганлар, иймон зиёда ёки ноқис бўлмайди, лекин амал зиёда ва ноқис бўлади, деган.

Умар Насафий раҳматуллоҳи алайҳи бу маънони қуйидагича ифода этган: «Иймон Аллоҳ таолодан келган нарсани тасдиқлаб, унга иқрор бўлишдир. Аммо амаллар ўзлари зиёда бўлади. Иймон зиёда ҳам, ноқис ҳам бўлмайди».

Икки тараф қуйидаги оятларни ўз таърифларига биноан тафсир қилиб, бирлари зоҳирий маънони олса, иккинчилари амалга таъвил қилади.

ﭯ ﭰ ﭱ ﭲ ﭳ ﭴ

1. «Уларга оятлари тиловат этилса, иймонларини зиёда қиладиган...» (Анфол сураси, 2-оят).

ﯻ ﯼ ﯽ ﯾ ﯿﰀ

2. «Ва Аллоҳ ҳидоятга юрганларнинг ҳидоятини зиёда қилади» (Марям сураси, 76-оят).

ﮜ ﮝ ﮞ ﮟﮠ

3. «Ва иймонлиларнинг иймони зиёда бўлиши (учун)» (Муддассир сураси, 31-оят).

ﭳ ﭴ ﭵ ﭶﭷ

4. «Иймонларига иймон зиёда бўлиши учун...» (Фатҳ сураси, 4-оят).

ﰀ ﰁ ﰂ ﰃ ﰄ ﰅ ﰆ ﰇ

5. «Уларнинг иймонларини зиёда қилди ва «Бизга Аллоҳнинг Ўзи етарли ва У қандай яхши вакил!» дедилар» (Оли Имрон сураси, 173-оят).

ﭣ ﭤ ﭥ ﭦ ﭧ ﭨ ﭩ ﭪ ﭫ ﭬ ﭭﭮ ﭯ ﭰ ﭱ ﭲ ﭳ ﭴ ﭵ ﭶ

6. «Қачон бирон сура нозил қилинса, улардан «Бу сиздан кимнинг иймонини зиёда қилди?» дейдиган кимсалар бор. Бас, иймон келтирганларнинг иймонини зиёда қилди ва улар шодландилар» (Тавба сураси, 124-оят).

 

«Сунний ақийдалар» китоби асосида тайёрланди

Ушбу китоб Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 2022 йил 22 июлдаги 03-07/5979-рақамли хулосаси асосида чоп этилган.

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
9. Муҳаммад алайҳиссалом Пайғамбар бўлишларидан олдин жинлар осмондаги фаришталарнинг гапини ўғриликча эшитиб олиб, инсонлардан бўлган ўз яқинларига етказиб давоми...

1796 00:00 / 30.11.2022
Шафоат ndash Аллоҳ таолога илтижо қилиб, баъзи осий мўминларни афв қилишини сўрашдир. Ёки баъзи мўминларни икром қилиб, жаннатга ҳисобкитобсиз киритишини сўрашдир. давоми...

1568 19:00 / 08.08.2023
Аҳли сунна ва жамоа айтган хулоса шулки, мўмин одам гуноҳи кабира қилиши билан кофир бўлиб қолмайди. Фақат ўша ишни ҳалол санаса, кофир бўлади. Мисол учун, ароқ давоми...

1523 19:00 / 04.12.2023
Лавҳ ва қаламга, унга чизилган жамийки нарсага иймон келтирамиз. Шарҳ Лавҳдан мурод, Аллоҳ таоло халойиқнинг тақдирларини ёзган нарсадир. Қаламдан мурод, Аллоҳ давоми...

7802 23:32 / 02.12.2016
Аудиолар

119977 11:58 / 10.10.2018
«Ҳилол» журнали
Китоблар

41660 14:35 / 11.08.2021