Рўйхатни беркитиш
Дарслар рўйхати
1446 йил 12 шаъбон | 2025 йил 11 февраль, сешанба
Минтақа:
ЎЗ UZ RU EN
Сийрат

Сийрат дарслари (201-дарс). Силаи раҳмни узувчи инсон жаннатга кирмайди

00:00 / 22.10.2022 2264 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

774. Абу Бакра розияллоҳу анҳудан ривоят қилинади:
«Набий соллаллоҳу алайҳи васалламнинг ҳузурларида бир киши бировни мақтади. Шунда у зот бир неча марта: «Ҳолингга вой! Дўстингнинг бўйнини кесдинг! Дўстингнинг бўйнини кесдинг!» дедилар. Сўнгра: «Сизлардан ким ўз биродарини мақташдан бошқа чораси бўлмаса, «Мен фалончини шундай деб ўйлайман, Аллоҳ унга кифоядир. Мен Аллоҳга ҳеч кимни покдомон демайман, мен уни бундай­бундай деб ўйлайман», десин. Агар унда ўша нарса борлигини аниқ билсагина», дедилар».
Бухорий ва Муслим ривоят қилишган.

775. Жубайр ибн Мутъим розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Қариндошлик алоқасини (силаи раҳмни) узувчи жаннатга кирмайди», дедилар».

Бухорий ва Муслим ривоят қилишган.


776. Абдуллоҳ ибн Амр ибн Ос розияллоҳу анҳумодан ривоят қилинади:
«Расулуллоҳ соллаллоҳу алайҳи васалламнинг: «Силаи раҳм қилувчи берганга яраша қайтарувчи эмас, балки силаи раҳм қилувчи ўзининг қариндошлик алоқалари кесилганда уни боғловчидир», деганларини эшитдим».

Бухорий ривоят қилган.


«Расулуллоҳ соллаллоҳу алайҳи васаллам» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
528. Абдуллоҳ ибн Масъуд розияллоҳу анҳудан ривоят қилинади .Расулуллоҳ соллаллоҳу алайҳи васаллам .Ким бир мусулмон кишининг молини ноҳақ равишда олиш учун қасам давоми...

2754 19:30 / 18.06.2021
456. Нубайша Ҳузалий розияллоҳу анҳудан ривоят қилинади.Расулуллоҳ соллаллоҳу алайҳи васаллам .Ташриқ кунлари ебичиш ва Аллоҳнинг зикри кунларидир,, давоми...

4227 14:00 / 01.01.2021
498. Абдуллоҳ ибн Аббос розияллоҳу анҳумодан ривоят қилинади .Набий соллаллоҳу алайҳи васаллам ансориялардан бўлган Умму Синан исмли бир аёлга .Биз билан ҳаж давоми...

3175 15:29 / 02.04.2021
889. Абдуллоҳ ибн Масъуд розияллоҳу анҳудан ривоят қилинади .Расулуллоҳ соллаллоҳу алайҳи васаллам .Рақуб ҳақида нима деб ўйлайсизлар, дедилар. .Рақуб ndash фарзанд давоми...

2430 19:00 / 29.04.2023