Рўйхатни беркитиш
Дарслар рўйхати
1446 йил 18 шаъбон | 2025 йил 17 февраль, душанба
Минтақа:
ЎЗ UZ RU EN
Сийрат

Сийрат дарслари (129-дарс). Мабрур ҳажнинг мукофоти

15:25 / 26.03.2021 3216 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

495. Оиша розияллоҳу анҳодан ривоят қилинади:

«Эй Аллоҳнинг Расули! Сизлар билан ғазот ёки жиҳод қилайликми?» дедим. «Лекин жиҳоднинг яхшиси ва гўзали мабрур ҳаждир»дедилар».

Оиша айтди: «Расулуллоҳ соллаллоҳу алайҳи васалламдан буни эшитганимдан буён ҳажни тарк қилмайман».

Бухорий ривоят қилган.

496. Абдуллоҳ ибн Масъуд розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Ҳаж билан умрани кетма-кет қилинг. Албатта, иккиси худди босқон темир, тилла ва кумушнинг кирини кетказганидек, фақирлик ва гуноҳларни кетказади. Мабрур ҳажнинг жаннатдан бошқа савоби йўқ»дедилар».

Термизий, Насоий, Ибн Хузайма ва Ибн Ҳиббон ривоят қилишган.

497. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Умрадан ­ кейинги умра иккисининг орасидаги нарсаларга каффоротдир. Мабрур ҳажнинг мукофоти жаннатдан бошқа нарса эмас»дедилар».

Бухорий ва Муслим ривоят қилишган.

Бошқа ривоятда: Набий соллаллоҳу алайҳи васалламнинг: «Ким Аллоҳ учун ҳаж қилса, фаҳш сўз айтмаса ва фисқу фасод қилмаса, худди онаси туққан кунидек қайтади», деяётганларини эшитдим.

Бухорий ривоят қилган.

 

«Расулуллоҳ соллаллоҳу алайҳи васаллам» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Бетаҳоратлик етказувчи нарсани қилган кимсанинг намози таҳорат қилмагунича давоми...

2783 14:40 / 15.09.2019
У зот соллаллоҳу алайҳи васалламнинг саҳобаларига муомалалари147. Абу Журай Жобир ибн Сулаймдан ривоят қилинади.Одамлар унинг гапини қабул қилишаётган бир кишини давоми...

2466 16:45 / 22.02.2019
Сўнг Пайғамбар соллаллоҳу алайҳи васаллам Зайд ибн Ҳориса розияллоҳу анҳу ҳамроҳлигида Макка томон йўл олдилар. Йўлда Пайғамбар соллаллоҳу алайҳи васалламнинг давоми...

3870 16:46 / 30.12.2017
327. Оиша розияллоҳу анҳодан ривоят қилинади .Расулуллоҳ соллаллоҳу алайҳи васаллам намоз бошласалар .Субҳанакаллаҳумма ва биҳамдика ва табарокасмука ва таъала давоми...

2306 19:00 / 08.12.2023