Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Она қорнидаги ҳомиланинг ривожланиши, ўсишига ҳомила ипи сабаб бўлади. 

Ҳомила ипининг узунлиги ўртача 50 см бўлади. 

Ушбу ипнинг ичида учта тешик бор. Улардан иккитаси артерия томирлари, биттаси вена томири. 

Ипдаги вена томири орқали йўлдошдан ҳомилага кислородга, озуқаларга тўйинган қон ўтади. Шунингдек, ҳомилада иммун тизими шаклланиб, ҳомила шамолламаслиги, юқумли касалликлардан ҳимояланиши учун онадан антибиотиклар ҳомила ипи орқали ўтади. 

Артерия томирлар орқали эса ҳомиладаги баъзи чиқиндилар, карбонат ангидрид йўлдошга чиқарилади. 

Аллоҳ таоло бизни яратиб, ҳомила бўлган пайтимизда ўзи парвариш қилиб, нафас олишимиз, нафас чиқаришимиз, зарарли газлардан бўғилиб ўлмаслигимиз, ўсиб, ривожланишимиз учун керакли жиҳозлар билан бизни таъминлаб қўйган. 

Дунёга келганимиздан сўнг ҳам тўхтовсиз ризқ бериб, яшашимизга керак бўладиган ҳамма нарсани ато қилган. 

Онамизнинг қорнидалигимизда ҳам, туғилганимиздан то ўлгунимизча ҳам бизни парвариш қилаётган ва парвариш қиладиган Роббимиз нақадар меҳрибондир! 

У зот барчамизнинг ҳолимизни ислоҳ қилсин, ўзининг ҳидоятидан айирмасин ва хотимамизни чиройли қилсин.

Нозимжон Ҳошимжон