Болгарда мусулмон ёшларнинг XVI форуми ўтказилади
Жорий йилнинг 16 август куни Татаристон Республикаси мусулмонлари диний идораси қароргоҳида XVI Бутунроссия мусулмон ёшлар форумининг тантанали очилиш маросими бў либ ўтади.
Форум иштирокчиларини Татаристон Республикаси муфтийсининг биринчи ўринбосари Илфар ҳазрат Ҳасанов, «Aжал Буфкеран» жамғармаси (Марокаш) магистри, профессор, шайх Aбдурраҳим Лакрим, Татаристон Республикаси мусулмонлари диний идораси ижтимоий ривожланиш бўлими мудири ва Татаристон Республикаси инновацион ривожланиш бошқармаси бошлиғи Ойгул Биктимироваларнинг табрик нутқлари режага киритилган.
Форум 16-23 август кунлари Болгарнинг қадимий шаҳрида чодирлар шаҳарчаси шаклида мусулмонлар ўртасида хайрия ишлари мавзусида ўтказилади. Унда Индонезия, Миср, Лондон, Қрим Республикаси, Бошқирдистон, Кабардино-Балкария (Налчик), Чувашия ва Татаристон, шунингдек, Перм ўлкаси, Москва, Aстрахан, Владикавказ, Свердловск вилояти, Ижевск, Йошкар-Ола, Самара ва Ханти-Мансийскдан 18-30 ёш атрофидаги 100 га яқин иқтидорли ёшлар иштирок этади.
Форум Россияда уммат манфаати учун ижтимоий лойиҳаларни яратиш ва амалга ошириш учун платформага айланади. Яъни, ёш мусулмонларга ижтимоий стартапларни амалга оширишнинг турли босқичларида қандай «пакетлаш»ни ўргатади: булар грант танловларида қатнашиш учун тақдим этилиши мумкин бўлган ғоя ёки тайёр лойиҳалар бўлиши мумкин.
Мусулмон ёшлар форуми натижаларига кўра, энг яхши лойиҳалар танлаб олинади. Форум дастуридан диний билим олиш, илмий-маърифий маърузалар, тренинглар, маҳорат дарслари, ТЕД ва дебатлар, кинозал ва китоб клуби, саёҳат ва экскурсиялар ўрин олган.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
