1444 йил 29 сафар | 2022 йил 25 сентябрь, якшанба
Минтақа:
ЎЗ UZ RU EN
Уламолар

Шайх Муҳаммад Содиқ Муҳаммад Юсуф раҳимаҳуллоҳнинг Покистонга сафарлари

14:00 / 02 сентябрь 1252 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бутун иттифоқ бўйлаб минглаб ота-оналар Афғонистондаги урушда асирликда қолиб кетган фарзандларини юртга қайтаришни ҳукуматдан талаб қилишар эди. Бу талаблар эътиборсиз қолдирилавергач, бундай мурожаатномалар халқ депутати, муфтий Муҳаммад Содиқ Муҳаммад Юсуфнинг номига ҳам келиб туша бошлади. Халқ дардига беэътибор бўла олмайдиган муфтий бошчилигидаги делегация кўплаб қаршиликлар ва ниҳоятда жиддий хавф-хатарларга қарамай, Покистоннинг Карачи, Исломобод ва Лаҳор шаҳарларига боради. Муфтий ҳазратлари асирликда сақланаётган аскарларни айирбошлаш юзасидан мужоҳидларнинг етакчилари билан учрашиб, музокаралар ўтказди. Учрашувлар давомида кўп масалалар муҳокама қилиниб, айрим муаммоларга ечим топилади.

Ўша пайтда Покистонда бошпана топиб турган афғонистонлик мужоҳидларга Гулбуддин Ҳикматёр ва Суҳбатулло Мужаддидийлар бошчилик қилишарди. Суҳбатулло Мужаддидий ва Гулбуддин Ҳикматёр делегатлар билан учрашувда Совет ҳукумати томонидан амалга оширилаётган хунрезликларни очиқ-ойдин гапириб берди...

Бу кирдикорлар фош бўлгач, делегациянинг сафари ва музокаралар жараёни телевидение ва матбуот орқали ёритмай қўйилади. Ўзини доим тинчликпарвар қилиб кўрсатиб келган қонхўр империя жиноятларининг фош бўлишини истамади, аксинча, ёпиқ қозон ёпиқлигича қолишига уринди…

Бироқ муфтий Муҳаммад Содиқнинг бу хайрли ишлари зое кетмади, делегациянинг Покистонга ташрифи Ўрта Осиё мамлакатлари билан Покистон ҳукумати ўртасида дўстона муносабатлар ўрнатилишига сабаб бўлди.

Тинчликпарварлик миссияси билан, асирларни қутқариш мақсадида кетган делегациянинг музокаралари бирдан ёритилмай қолгач, асирликда қолган аскарларнинг ота-оналари томонидан норозиликлар кучайиб кетади. Ниҳоят, Горбачёвнинг шахсан илтимосига кўра, Муҳаммад Содиқ Муҳаммад Юсуф Покистонга иккинчи марта ташриф буюради. Бу ташриф давомида асирларнинг бир қисми озод қилиниб, Ватанга қайтиш бахтига мушарраф бўлади.

«Ҳилол» журналининг 7(40) сонидан олинди

Манба
islom.uz
Мавзуга оид мақолалар
Мелодий 1867 йили Ҳиндистоннинг Девбанд шаҳарчасида диний ўқув муассасаси ndash олий мадрасага асос солинади. У .Дор алулум, номи остида бугунги кунгача мингминглаб давоми...

2071 19:30 / 04.06.2021
Абу Довуд Сулаймон ибн Ашъас ибн Исҳоқ алАздий Сижистоний ҳужжат билан ҳукм қилувчи, ҳуффоз ларнинг саййиди, ҳадисларни таҳлил этувчи .Китоби Саҳиҳ, деб тан давоми...

2492 21:56 / 27.04.2017
Маълумки, шу йилнинг 3 март кунидан бери Самарқанд шаҳридаги Форумлар саройида .Имом Абу Мансур Мотуридий ва мотуридия таълимоти ўтмиш ва бугун, мавзусида халқаро давоми...

1231 19:30 / 07.03.2020
Камина чорак аср давомида у зоти муборакнинг суҳбатларига мушарраф бўлдим. Шайх Муҳаммад Содиқ Муҳаммад Юсуф ҳазратларининг энг улуғ фазилатлари илм тарқатиш, давоми...

6072 14:43 / 10.06.2017
Аудиолар

88066 11:58 / 10.10.2018
Фотолар

5746 09:50 / 18.04.2018
«Ҳилол» журнали
Китоблар

16918 14:35 / 11.08.2021
Топ рейтинг www.uz Openstat