1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Савол жавоб

Касб танлаш

23:23 / 27.03.2022 2830 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум! Берадиган саволим бироз тушунарсиз бўлиши мумкин. Лекин мен учун жуда муҳим. Менга Аллоҳ томонидан болалигимдан сакинатли баракотли ҳаёт ҳақида хаёллар ўйлатиларди. Яъни, мен одатда жуда хурсанд ва хотиржам юрардим. Бу қандай ҳис, нега бундайлигини билмаганман ва ўйламасдим, шунчаки менга бу ёқарди. Бошқа болалардек талашиб тортишмасдим. Вояга етгач секин-аста масжидга боришни, маърузалар тинглашни ва илм олишни бошладим. Ва сездимки, масжиддалигимда, динимиз ҳақида фикр ютирсам бу қувонч кучаяди, дунё ҳаётига қайтсам, йўқоларди. Бу шундай сакинатли ҳиссиётки, тарифлай олмайман. Лекин ҳар сафар мен буни ҳис қилсам, Аллоҳга қасам, менда бор нарсаларни бериб бўлса ҳам, ана шу оламда яшагим келади ва Аллоҳга бўлган ишқ ниҳоят даражада, ўта кучайиб кетади... Аллоҳнинг фазли билан ҳозирда Жанубий Кореянинг энг нуфузли университетларидан бирида ўқийман. Келажакда катта фирма очиб, кўп мусулмонларни иш билан таъминласам бўлади ёки ўзимга етадиган кичикроқ бир дўкон очсам ҳам бўлади. Ўйлайманки, катта фирма мени бутун умримни банд қилади ва мени дунёга боғлаб қўяди. Юқорида таърифланган ҳиссиётда эса мен ўзимни дунё ҳақида ғам чекмаётган, илмли қори сифатида ҳис қилганман. Агар менда бор бу имконият (нуфузли университет дипломи) дан фойдаланмасдан, ўзим ва аҳлим таъминоти учун бир дўкон очиб, умримни илмга бағишласам, Аллоҳнинг берган неъмати (университет)га, нонкўрлик қилган бўлмайманми? Анча ўйладим, лекин тўғрисини тополмаяпман, менга тўғри йўл кўрсатинг илтимос.

Жавоб:

– Ва алайкум ассалом! Сиз катта фирма очинг. Қиёматгача давом этадиган шаръий бир ишни йўлга қўйинг. Одамлар садақаи жория деганда фақат масжид ёки мадрасани тушунадилар. Аслида шариатга мувофиқ нарса ишлаб чиқарувчи завод-фабрикалар ҳам садақаи жория ҳисобланади. Истеъдодингизни барбод қилмай ишни йўлга қўйинг. Валлоҳу аълам!

«Зикр аҳлидан сўранг» ҳайъати

Манба
Зикр аҳлидан сўранг
Мавзуга оид мақолалар
Ассалому алайкум Ислом хақида билмайдиган халқларнинг охиратдаги хаёти хақида савол бериганида quotИслом даъвати етмаган одам жавобгар ҳисобланмайдиquot деб жавоб давоми...

2476 08:11 / 06.01.2019
Ассаламу алайкум, ҳурматли Шайх Ҳазратлари Бир биродаримиз чигирткани тановул қилиш ҳалол деб айтиб қолдилар. Менда ушбу биродаримизнинг гапларига шубҳа пайдо давоми...

13001 20:51 / 24.04.2016
СаволАссалому алайкум, ҳурматли Шайх Ҳазратлари Намозда биринчи ракатда бир узун оят, иккинчи ракатда қисқа тўлиқ сурани ўқишлик маҳруҳмиЖавобШайх Муҳаммад Содиқ Муҳаммад Юсуфmdash Ҳа.httpsavollar.islom.uzsavol30098

3745 06:14 / 27.07.2017
Ассалому алайкум Намоз ўқиб ҳаром еб юрувчи кишининг ҳукми қандай Бир киши намоз ўқиса ва доимий ҳаром луқма истеъмол қилиб юрса, бунинг ҳукми нима бўлади Ўқиган давоми...

2042 07:28 / 26.10.2018
Аудиолар

118801 11:58 / 10.10.2018
«Ҳилол» журнали
Китоблар

40751 14:35 / 11.08.2021