Абу Али Мансур ибн Абдуллоҳ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ҳофиз, олим, илм талабида юрт кезган Абу Али Мансур ибн Абдуллоҳ ибн Холид ибн Аҳмад ибн Холид ибн Ҳаммод Зуҳлий Холидий Ҳаравий.
Абу Саъид ибн Аъробий, Абу Наср Муҳаммад ибн Ҳамдувайҳ Марвазий, Абдуллоҳ ибн Аҳвас Дабусий (бу киши билан Самарқандда учрашганлар), Ҳасан ибн Муҳаммад ибн Усмон Фасавий, Абу Жаъфар ибн Бахтарий, Абу Ҳомид ибн Билол, Абдуллоҳ ибн Умар ибн Шавзаб, Абдуллоҳ ибн Яъқуб Кирмоний, Исмоил Саффор, Абул Аббос Асам, Абдулмўмин ибн Халаф Насафий, Ибн Саммок ва уларнинг табақасидагилардан ҳадис ривоят қилганлар. Кўп китоб ёзганлар, илм талабида машаққат чекканлар.
У кишидан Абу Яъло ибн Собуний, ҳофиз Абу Ҳозим Абдуний, адиб Абу Саъид Абдурраҳмон ибн Муҳаммад, Нажиб ибн Маймун Воситий Ҳаравий ва бошқа кўплар ҳадис ривоят қилганлар. Бироқ бу киши сиқа эмаслар.
Абу Саъд Идрисий айтадилар: “У киши ёлғончи, ривоятларига суянилмайди”.
Жаъфар ибн Муҳаммад Мустағфирий айтадилар: «У киши Бухорийнинг шогирдлари Мансур ибн Муҳаммад Баздавийдан ҳадис ривоят қилганлар. 402 йил муҳаррам ойида вафот этганлар».
Бошқа ривоятда вафотлари санаси 401 йил деб кўрсатилган.
«Машҳур даҳолар сийрати» китобидан
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
