Германияда сув тошқинидан азият чекканларга суриялик қочқинлар ёрдам бермоқда
Юзлаб кўнгиллилар ижтимоий тармоқларда тарқалган Германиядаги вайроналарни кўриб, мамлакат ғарбий қисмида энг кўп зарар кўрган ҳудудларга ёрдамга боришмоқда. Июлдаги сув тошқинлари оқибатида зарар кўрган Германия шаҳарларини тозалашда суриялик кўнгилли қочқинлар фаол иштирок этмоқда. Бу ҳақда Ал -Жазира хабар беради.
Германиядаги кўнгиллилар гуруҳининг айтишича, юзлаб суриялик қочқинлар мамлакатнинг ғарбий қисмидаги энг кўп зарар кўрган ҳудудларга боришган. Тўфон камида 180 кишининг ҳаётига зомин бўлган. Сурияликлар вайроналарни йиғиш ва кўп асрлик биноларни тиклашга ёрдам бермоқда.
«Германияда 1 миллион суриялик бор, биз яхши ва ёмон кунларда немис аҳолиси билан бирлашамиз», дейди кўнгиллилар гуруҳи ташкилотчиси Баракат Убайд. — Кўпчилик кўнгиллилар фуқаролик уруши ва қашшоқликдан қочиб 2015 йилда Германияга келган. Кейин мамлакат миллиондан ортиқ қочқин ва муҳожирларни қабул қилган.
«Немисларнинг кўп уйлари вайрон бўлган, улар орасида бизнинг уй ҳам. Бироқ барчамиз ёрдам бериш учун шу ердамиз, охир-оқибат ҳамма нарсани тузатиш учун немислар билан қўлма-қўл ишлаймиз. Нима бўлишидан қатъий назар, биз шу ердамиз», дейди Арвейлерда яшовчи суриялик кўнгилли Муайяд Абеделби.
Хуршид Маъруф тайёрлади
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
