Гўзал жавоб
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир киши дўстидан: «Уйингдан ишхонанггача бўлган йўл қанча вақт олади?» деб сўраганида, у киши: «Тиқилинч пайти 800 та Субҳаналлоҳни айтиш миқдорича, кундалик, тиқилинч бўлмаган вақтларида эса 250 та Субҳаналлоҳ айтиш миқдорича», деб жавоб берди.
Тиқилинч, издиҳом учун янги тушунча ва гўзал жавоб. Зеро Аллоҳ таоло: «Ана ўша Кунда (Ер), Парвардигорингиз унга ваҳий қилиб, сўзлашга буюргани сабабли ўз хабарларини сўзлар!» (Залзала сураси, 4-5-оятлар), деб айтган.
Роббингни зикр қиладиган ўрин ва маконлар гувоҳликка муҳтож бўлган кунинг сенга гувоҳлик берар экан. Шундай экан, ҳар бир маконга гувоҳларни қолдиргин.
Саҳобалардан Абу Ҳурайра розияллоҳу анҳу ривоят қилишларича, Пайғамбар алийҳиссалом Ернинг хабарлари нима эканлиги ҳақида сўзлаб: «Ернинг хабарлари — ҳар бир эркагу аёл унинг устида қандай амал қилган бўлса, барчасини Аллоҳ таоло ҳузурида сўзлаб, гувоҳлик беришидир», деганлар.
Манба: arabic.uz
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
