1445 йил 19 шаввол | 2024 йил 28 апрель, якшанба
Минтақа:
ЎЗ UZ RU EN
Силаи раҳм

Ота-она дунёда икки марта такрорланмайди

17:00 / 20.01.2021 2738 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Қуръони Каримда шундай деб марҳамат қилган

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا۝ وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا۝

 «Роббинг фақат Унинг Ўзигагина ибодат қилишингни ва ота-онага яхшилик қилишнигни амр этди. Агар ҳузурингда уларнинг бирлари ёки икковлари ҳам кексаликка етсалар, бас, уларга «уфф» дема, уларга озор берма ва уларга яхши сўз айт! Икковларига меҳрибонлик ила хокисорлик қанотингни паслат ва «Роббим, алар мени кичикликда тарбия қилганларидек, уларга раҳм қилгин», деб айт». (Исро сураси, 23-24 оятлар)

Аллоҳ таолонинг раҳмати туфайли кўзларингни очган лаҳзангдан бошлаб сени яхши кўрадиган инсон — онангдир.

Аллоҳ таолонинг мадади билан муҳаббатини кўзларида зоҳир қилмай сени яхши кўрадиган инсон — отангдир. (сен эса унга зулм қиласан)

*****

Аллоҳ таолонинг раҳмати сабабли онанг сени дунёга келтирган.

Аллоҳ таолонинг мадади билан отанг сенга дунёни тортиқ қилишга уринади. (агар уларни рози қилмасанг, бадбахт бўласан).

*****

Аллоҳ таолонинг фазли билан онанг сенинг ҳаётга келишингга сабаб бўлди.

Аллоҳ таолонинг фазли билан отанг сенга ҳаётда қандай яшашни ўргатади. (ўргатмаса, қийналишинг эҳтимоли бор)

*****

Аллоҳ таолонинг мадади билан онанг сени 9 ой қорнида кўтариб юради.

Аллоҳ таолонинг мадади билан отанг сени умр бўйи кўтариб юради. (сен буни сезмайсан ҳам)

*****

Аллоҳ таолонинг ёрдами билан онанг сени дунёга келтиради. Ана шунда қичқиради. Сен буни эшитмайсан.

Аллоҳ таолонинг ёрдами билан отанг сени тарбия қилиш, ёмонликдан қайтариш учун кўп йиллар қичқиради. (сен эса ундан шикоят қиласан)

*****

Аллоҳ таоло берган меҳр сабабли онанг сен касал бўлиб қолсанг, йиғлайди.

Аллоҳ таоло берган меҳр сабабли отанг сен йиғласанг, касал бўлиб қолади.

*****

Аллоҳ таолонинг раҳмати туфайли онанг сенинг оч эмаслигингга ишонади.

Аллоҳ таолонинг раҳмати туфайли отанг сенинг оч эмаслигингни билади. (сен буни англаб етмайсан ҳам)

*****

Аллоҳ таолонинг марҳамати сабабли онанг сени бағрида кўтариб юради.

Аллоҳ таолонинг марҳамати сабабли отанг сени орқасида кўтариб юради. (буни билмайсан)

*****

Аллоҳ таолонинг лутфи сабабли онанг меҳр-шафқат булоғидир.

Аллоҳ таолонинг лутфи сабабли отанг ҳикмат булоғидир. (сен эса унинг қаттиққўллигидан хафа бўласан)

*****

Аллоҳ таолонинг фазли сабабли онанг сен учун масъулиятни кўтариб юради.

Аллоҳ таолонинг фазли сабабли отанг сенга масъулиятли бўлишни ўргатади. (сен эса отам фалон ишни менга юклади деб ўйлайсан)

*****

Аллоҳ таолонинг мадади билан онанг сени йиқилишдан эҳтиёт қилади.

Аллоҳ таолонинг мадади билан отанг сенга йиқилганингдан кейин туришни ўргатади.

*****

Аллоҳ таолонинг фазли билан онанг сенга оёқда юришни ўргатади.

Аллоҳ таолонинг фазли билан отанг сенга ҳаёт машаққатларида қандай юришни ўргатади.

*****

Аллоҳ таолонинг лутфи сабабли онангни шафқатли, чиройли аёл деб биласан.

Аллоҳ таолонинг лутфи сабабли отангни жиддий, меҳрли инсон деб биласан.

*****

Аллоҳ таолонинг марҳамати сабабли онангнинг муҳаббатини туғилганингдан бошлаб ҳис этасан.

Аллоҳ таолонинг марҳамати сабабли отангнинг муҳаббатини бироз катта бўлганингда ҳис этасан.

*****

Ота-онанинг қадри пул билан ўлчанмайди.

Ота-она дунёда икки марта такрорланмайди.

Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Ибн Аббосдан ривоят қилинади.Расулуллоҳ соллаллоҳу алайҳи васаллам одамларнинг ичида яхшиликда энг сахий инсон эдилар. Ул зотнинг яна ҳам сахий бўлган пайтлари давоми...

1608 16:00 / 15.05.2023
Бобнинг номидан кўриниб турибдики, Исломда қулларнинг зиммасига ҳам маълум бир мажбуриятлар, масъулиятлар юклатилган. Улар тенг ҳуқуқли кишилар даражасига давоми...

1226 11:30 / 25.12.2020
21. Фарзанднинг отаонага яхшилик қилиши турларидан бири ndash уларни хурсанд қилиш чораларини кўриш.Фарзанд отаонасининг кўнглини кўтариш учун уларни хурсанд давоми...

1996 11:00 / 31.07.2019
Муҳтарам жамоат Ислом дини инсоннинг тўғри йўлдан адашиб кетмаслиги учун ҳар бир ишда ўз кўрсатмаларини бериб боради. Шу жумладан, отаона ҳақларини фарзандлар давоми...

8041 10:56 / 05.10.2018