1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мўминларга эслатма

Қалблар сирдир...

15:00 / 20.01.2021 2252 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кишиларнинг қўлидан тутиб Аллоҳ томон бошла! Ёдингда тут, Аллоҳ пайғамбарларни фаришталарга эмас, гуноҳкор ва осий инсонларга юборган. Агар инсонлар тоат аҳли бўлишганида пайғамбарларга эҳтиёж сезишмас эди.

Аллоҳ таоло ҳатто илоҳлик даъво қилган Фиръавнга ҳам пайғамбарлари Мусо ва Ҳорун алайҳиссаломларни юбориб: «Унга юмшоқ гапиринглар», деди.

Инсонларнинг гуноҳига худди хўжайин каби боқма. Унга қул каби қара. Аллоҳ сенга ҳидоятни яхши кўрсатди. Бунинг закоти эса сен ҳам инсонларни қўлидан тутиб Аллоҳ томон бошламоғингдир.

Сен ўзинг ҳидоят топа олмас эдинг. Аллоҳ сенга ҳидоятни неъмат қилиб берди. Маъсият аҳлига худди бало аҳлига қарагандай қара. Чунки касаллик гуноҳдан енгилдир. Зеро, касаллик даражани кўтарилишига сабаб бўлади. Залолатнинг эса оқибати даҳшатли.

Тўғри, биз нарсаларнинг зоҳирига қараб ҳукм қиламиз. Аммо фақат зоҳирга алданишдан ҳазир бўлишимиз лозим.

Баъзи гуноҳкорлар Аллоҳ ва Расулини сиз биладиган айрим динни сотувчи, устиларидан шайтон ҳукмрон бўлган дин тожирларидан кўра кўпроқ яхши кўришади.

Имом Бухорий раҳимаҳуллоҳ Умар розияллоҳу анҳудан ривоят қилинган ҳадисни келтирадилар:

«Расулуллоҳ соллаллоҳу алайҳи васалламнинг замонларида Абдуллоҳ исмли бир киши бор эди. Унинг лақаби эшак эди. У хушчақчақ ва қувноқ киши бўлиб, Расулуллоҳ соллаллоҳу алайҳи васалламни кулдирар эди. У ароқ ичар эди. Расулуллоҳ соллаллоҳу алайҳи васаллам уни дарралатдилар, яна дарралатдилар, учинчисида бир киши: «Аллоҳим, уни лаънатлагин. Бунча кўп ичмаса!» деди. Шунда Расулуллоҳ соллаллоҳу алайҳи васаллам: «Уни лаънатламанглар. Мен биламан, у Аллоҳ ва Расулини яхши кўради!» дедилар.

Қалблар сирдир. Уни фақат яратувчиси била олади.

Ҳижоб ўрамайдиган аёл фоҳиша дегани эмас.

Мусиқа эшитадиган киши Қуръонни ёмон кўради дегани эмас.

Мен осийларни ҳимоя қилмоқчи ёки оқламоқчи эмасман. Атиги уларнинг қўлидан тутиб, Аллоҳ томон бошланг демоқчиман!

Адҳам Шарқовий

Муҳаммад Ато таржимаси

Манба
islom.uz
Мавзуга оид мақолалар
Саъд ибн Убода розияллоҳу анҳудан ривоят қилинадиНабий соллаллоҳу алайҳи васаллам .Ким Қуръонни ўқиб, сўнг уни унутиб юборса, қиёмат куни Аллоҳ таолога қўли кесик давоми...

1391 11:00 / 19.08.2023
Дейдиларки, олим илми билан, зангин моли билан, фақир эса жони билан имтиҳон қилинади. Олимга илми борасида синовлар, имтиҳонлар берилади. Фитналарга тутилади. давоми...

1888 11:00 / 15.07.2023
Аллоҳнинг Каломида санаб адоғига етиб бўлмас руҳоний лаззатлар бордир. Робб таолонинг Каломидан кўра ширинроқ, тотлироқ калом йўқдир. Унда лаззат, унда адаб бор, давоми...

4007 13:55 / 07.03.2022
Бу шунчаки дарахт эмас, бу одамлар учун сабоқ.Ушбу дарахт Венгриядаги Бюкк тоғ тизмасида йўл бўйлаб ўсади. Кўп йиллар олдин кимдир ингичка шохнинг пастки қисмини давоми...

2373 18:30 / 21.05.2021