1445 йил 2 зулқаъда | 2024 йил 10 май, жума
Минтақа:
ЎЗ UZ RU EN
Суннат

Маънавий тирик одамнинг уйи ҳам тирик бўлади

11:50 / 24.12.2023 422 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ جَابِرٍ رَضِي اللهُ عَنْهُ، عَنِ النَّبِيِّ صلى الله عليه وسلم قَالَ: إِذَا قَضَى أَحَدُكُمُ الصَّلَاةَ فِي مَسْجِدِهِ فَلْيَجْعَلْ لِبَيْتِهِ نَصِيبًا مِنْ صَلَاتِهِ، فَإِنَّ اللهَ جَاعِلٌ فِي بَيْتِهِ مِنْ صَلَاتِهِ خَيْرًا.

Жобир розияллоҳу анҳудан ривоят қилинади:

«Набий соллаллоҳу алайҳи васаллам:

«Бирортангиз масжидидаги намозни битирса, уйи учун ҳам ўз намозидан насиба қилсин. Чунки Аллоҳ унинг намози сабабли уйида яхшилик қилади», дедилар».

Демак, уйда ўқилган нафл намоз уй учун хайр-барака ҳосил бўлишига сабаб бўлар экан.

عَنْ أَبِي مُوسَى رَضِي اللهُ عَنْهُ، عَنِ النَّبِيِّ صلى الله عليه وسلم قَالَ: مَثَلُ الْبَيْتِ الَّذِي يُذْكَرُ اللهُ فِيهِ وَالْبَيْتِ الَّذِي لَا يُذْكَرُ اللهُ فِيهِ مَثَلُ الْحَيِّ وَالْمَيِّتِ .رَوَاهُمَا مُسْلِمٌ.

 

Абу Мусо розияллоҳу анҳудан ривоят қилинади:

«Набий соллаллоҳу алайҳи васаллам:

«Аллоҳ зикр қилинадиган уй билан Аллоҳ зикр қилинмайдиган уй худди тирик билан ўликнинг мисолига ўхшайди», дедилар».

Иккисини Муслим ривоят қилган.

Аллоҳнинг зикри уйни тирик ҳолига келтиради. Зотан, фақат Аллоҳни зикр қиладиган одамгина маънавий тирик бўлади.

Демак, маънавий тирик одамнинг уйи ҳам тирик бўлади. Аллоҳни зикр қилмайдиган одам маънавий ўлик ҳисобланади. Бинобарин, унинг уйи ҳам Пайғамбаримиз соллаллоҳу алайҳи васаллам гувоҳлик беришларича, ўликдир.

Намоз эса Аллоҳ зикрининг энг юксак зирваси – чўққисидир. Ким уйида нафл намоз ўқиб турар экан, у уйининг шарафи ошади, қадри юксалади. Сажда қилинган ҳар бир парча ер қиёматда сажда қилувчи фойдасига гувоҳлик беради.

Шунинг учун ҳам ҳар бир мўмин-мусулмон уйини намоз билан, Аллоҳнинг зикри билан обод қилиши керак. Кўпгина оддий, содда уйлар бениҳоят ободдир. Ҳаммамиз уйимизни тирик уйлардан, зикруллоҳ ила обод бўлган уйлардан қилишга уринайлик.

«Ҳадис ва ҳаёт» китоби асосида тайёрланди

 

 

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
. . .Абу Ҳурайра розияллоҳу анҳудан ривоят қилинади.Набий соллаллоҳу алайҳи васаллам.Одам боласи сажда оятини қироат қилиб, сажда қилса, давоми...

1793 13:00 / 01.03.2021
.Истихора, сўзи луғатда .хайрни талаб қилиш, деган маънони англатади. Мусулмон киши икки ишдан қайси бирини қилишини билмай қолганида, хайрлисини танлаш учун давоми...

1924 11:19 / 25 январь
. .Самура ибн Жундуб розияллоҳу анҳудан ривоят қилинади.Расулуллоҳ соллаллоҳу алайҳи васаллам уч киши бўлсак, биримизнинг олдинга ўтишини амр давоми...

2998 19:00 / 05.12.2021
. .Ибн Умар розияллоҳу анҳудан ривоят қилинади.Набий соллаллоҳу алайҳи васаллам.Сизлардан биров масжидда туриб, мудраса, ўша ўтирган жойидан давоми...

2294 18:30 / 20.03.2022