Бурҳониддин Қилич -  (11-а.) - ўрта осиёлик шайх, сайид. Ўзганда туғилган. Қорахонийлардан Буғрохон Абу Али ал-Ҳасан ибн Сулаймон (1059-75) га замондош бўлган. Фарғона водийси, Қашқар, Самарқанд ва Бадахшонда катта обрў-эътибор қозонган. Унга "Қилич" деб берилган тахаллус ҳақидаги ривоятда айтилишича, Бурҳониддин болалик чоғларида ўз тенгдошлари билан ўйнаб юриб, ёғочдан ўйинчоқ қилич ясаган ва кунлардан бир куни мана шу ёғоч қилич билан қўшнисининг ўғлини қоқ икки нимта қилиб чопиб ташлаган. Унинг устидан шикоят қилишгач, Бурҳониддин подшоҳ ҳузурига чақиртирилган. Бу ерда у подшоҳнинг фармонига кўра ўзининг ёғоч қиличи билан буқани иккига бўлиб ташлаган. Бундай куч-қувват мўжиза деб эътироф этилиб, подшоҳ боладан ўлдирилган қўшни боласи учун хун олмай қўйиб юборган.