Абу Али Ҳасан ибн Носир ал-Коғазий ҳам Самарқанд аҳлидан эдилар. «Ад-Деҳқон» номи билан танилган эдилар. Бу кишига «Коғаз ал-Ҳасаний» деб нисбат берилган эди. Тайёрлаган қоғозлари ниҳоятда чиройли, оппоқ ва сифатли эди. Ўзлари ҳам моҳир уста эдилар. Самарқанд имло мажлисларида бу кишининг қоғозларидан фойдаланиларди. Ҳасан Коғазий одобу ахлоқда ягона, тўғри сўз, фақиҳ олим ҳам эдилар. Бу кишидан кўп олимлар таълим олганлар.