Жаннатдаги либослар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Аллоҳ таоло дейди:
"(Улар жаннатларда) ипак шойилардан бўлган, яшнаб турувчи либослар кийиб..." (Қаҳф, 31).
"Либослари эса ҳарир (ипак бўлур)" (Ҳаж, 23).
Барро ибн Озиб айтади:
"Расулуллоҳ соллаллоҳу алайҳи васалламга бир ҳарир кийим ҳадя қилинди. Асҳоблар қўлма-қўл томоша қила бошлашди. Шунда Расулуллоҳ соллаллоҳу алайҳи васаллам:
"Шундан ажабланяпсизларми?" дедилар.
Улар: "Ҳа", дейишди.
У зот: "Жоним қўлида бўлган Зотга қасамки, Саъд ибн Муознинг жаннатдаги дастрўмоли бундан яхшидир", дедилар.
Саъд ибн Муоз айтади: "Аторад ибн Ҳожибга Кисро ипак кийим кийгизган эди, уни Расулуллоҳ соллаллоҳу алайҳи васалламга ҳадя қилди. Шунда одамлар тўпланиб, у кийимни ушлаб кўриб ҳайратланишди ва: "Эй Расулуллоҳ, сизга бу осмондан нозил бўлдими?" дейишди.
Расулуллоҳ соллаллоҳу алайҳи васаллам: "Ажабланманглар! Жоним қўлида бўлган Зотга қасамки, Саъд ибн Муознинг жаннатдаги дастрўмоли бундан яхшироқдир", дедилар".
Имом Қуртубийнинг “Тазкира”сидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
