1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Жаннат райҳонлари

Namoz – dinning ustuni

14:02 / 08.11.2018 6035 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ey, farzand!

Bomdodni o‘qigach, masjiddan chap oyoq bilan chiqiladi va shunday duo qilinadi:

«Allohim! Menga fazlu karaming bilan rahmat eshiklarini och!»

O’ng oyoq tashqariga olinayotganda shunday niyat qilinadi:

«Allohim! Peshin namozini o‘qishimni menga nasib ayla!»

Peshinni o‘qib asrga, asrni o‘qib shomga, shomni o‘qib xuftonga, xuftonni o‘qib bomdodga niyat etgan kishining daftariga kecha-kunduz namoz o‘qigan savobi yoziladi.

Bir hadisi shariflarida Rasululloh sollallohu alayhi vasallam shunday marhamat etadilar:

«Amallar niyatlarga ko‘radir. Kim nimani niyat qilsa, o‘shaning natijasini ko‘radi».

Niyatsiz amal bo‘lmaydi, ya’ni niyatsiz amal amal emas. Niyati qilinib, yaxshi, tugal, o‘rinli qilinmagan amal ham daftarda amal qilinmagan deb yoziladi.

Payg‘ambarimiz sollallohu alayhi vasallam marhamat qiladilar:

«Namoz – dinning ustunidir. Namozni mukammal o‘qigan dinini mukammal qiladi. Namozni buzgan dinni buzadi. Namoz – barcha ibodatlardan afzaldir. Namozni jamoat bilan o‘qimoq, yolg‘iz o‘qigandan yigirma besh, yigirma yetti daraja afzaldir».

Payg‘ambarimiz sollallohu alayhi vasallam shunday marhamat etadilar: «Jamoat bilan namoz o‘qishni uzrsiz tark etib, uyida yolg‘iz o‘qigan kishi faqat qarzini o‘taydi. Yigirma yetti darajali jamoat savobidan mahrumbo‘ladi».

Namozlarni kechiktirmasdan vaqtida o’qish kerak. Vaqtning o‘rtasida o‘qishning ham zarari yo‘q. Faqat hech qanday zaruratsiz kechiktirish to‘g‘ri emas. Payg‘ambarimiz sollallohu alayhi vasallam marhamat etadilar:

«Me’roj kechasi jahannam menga ko‘rsatilganda ko‘rdimki, bir guruh kishilarni zaboniylar gurzi bilan boshlariga urib, ularning miyalarini parchalashmoqda. «Bu shaklda jazolanayotganlar kimlar?» deya Jabroil alayhissalomdan so‘radim. U zot bu kishilar zaruratsiz namozni kechiktirganlar ekanini aytdilar». Har namozni kirgan vaqtida yoki o‘rta vaqtida o‘qish kerak. Namozni uzrsiz kechiktirishdan saqlanish lozim. Namozni vaqtida o‘qimagan kishi savobdan mahrum bo‘ladi. Namozni ba’zan o‘qib, ba’zan o‘qimagan kishining ham ahvoli qo‘rqinchli. Chunki bu odam namozni jiddiy qabul qilmagan sanaladi.


“Ey, farzand!” kitobidan

Манба
islom.uz
Мавзуга оид мақолалар
23Yusuf Ya`qubni ko`rishga oshiqdi. Qanday ham oshiqmasin, axir ayriliq uzoq cho`zilgan edikuHozir nima uchun toqat qilsin, axir sir oshkor bo`lgankuQanday qilib ovqat va suv uning tomog`idan o`tsin, axir otasining ovqati, suvi, hatto uyqusida ham halovat yo`qkuSir ochilib bo`ldi. Sir aniq bo`ldi. давоми...

1822 21:00 / 27.06.2019
Assalomu alaykum, azizlar. Men sizga ozimni tanishtirishdan oldin bazi bir narsalarni aytib bermoqchi edim. Allohning haq rasuli Muhammad alayhissalom Madinaga hijrat qilganlaridan keyin bu yerda bir masjid qurdirdilar. Masjidning uzunligi yuz gaz, eni qirq gaz edi. Bu muborak binoning tomini давоми...

674 16:35 / 11 январь
5Shayton .Ularga bo`lgan mahzunligingiz qanday, degan edi.Ular .Qattiq,, deyishdi.Shayton .Ularga ishtiyoqingiz qanday, degan edi.Ular .Buyuk,, deyishdi.Shayton .Nima uchun ularga har kuni nazar solmaysizlar, degan edi.Ular .Buning yo`li qanday axir ular o`lganku, dedi.Shayton .Ularni rasmlarini давоми...

2638 14:05 / 02.10.2019
Muso Madyan yerlariga yetib keldi. U biror kishini tanimas, biror kishi ham uni tanimas edi. Tunda Musoga kim boshpana beradi U qaerda uxlaydi Mana shu kabi savollar Musoning boshidan kechsada Allohning O`zi madadkor ekaniga zarracha shubha qilmasdi. Muso bir quduqdan molhollarini sug`orayotgan давоми...

2053 15:00 / 21.11.2021
Аудиолар

118756 11:58 / 10.10.2018
«Ҳилол» журнали
Китоблар

40715 14:35 / 11.08.2021