«Неча пул экан?»
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Маслама ибн Абдулмалик Умар ибн Абдулазизнинг ҳузурига келди. Унинг эгнида Миср чойшабидан кийим бор эди. Халифа Умар ибн Абдулазиз сўради:
– Буни неча пулга олдинг, Абу Саъид?
Маслама унинг нархини айтди.
Шунда халифа деди:
– Нархини бир оз туширсанг обрўйинг камайиб қолармиди?
Маслам:
– Йўқ.
Халифа:
– Нархига яна қўшиб берсанг, обрўйинг кўтарилиб қолармиди?
Маслама:
– Йўқ.
Халифа:
– Билиб қўй, Маслама, савдолашишнинг афзали бадавлат бўла туриб савдолашишдир. Кечиришнинг афзали жазолашга қодир бўла туриб кечиришдир. Мулойимликнинг афзали волий (ҳоким) бўлганидан кейинги мулойимликдир.
Чинакам инсонлар
Ибн Муборак билан Суфён Саврий ўртасида шундай савол-жавоб бўлиб ўтган экан:
– Чинакам инсонлар кимлар?
– Уламолар
– Кимлар чинакам шарафли?
– Тақводорлар.
– Чинакам подшоҳлар кимлар?
– Парҳезкорлар.
– Чинакам омилар кимлар?
– Гап билан одамларнинг пулини оладиган қиссагўйлар.
– Чинакам пасткашлар кимлар?
– Золимлар.
Ҳоний ал Ҳаж
“Солиҳлар гулшани” китобидан
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
