Бақара сураси, 81-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Йўқ! Ким ёмонлик касб қилса ва уни хатолари қуршаб олган бўлса, ана ўшалар олов соҳибларидир. Улар унда мангу қолувчидирлар. Бақара 81.
Демак, иш хомхаёл билан, ҳар кимнинг ўзича айтган гапи билан битмас экан. Ким дўзахий, ким жаннатий бўлишининг қатъий илоҳий ўлчови бор экан. Ушбу ўлчовга биноан, ким яҳудийларга ўхшаб гуноҳ ишларни очиқ қилса ва унинг хатолари кўпайиб кетган бўлса, ўша дўзахга тушади ва унда абадий қолади.
Имом Аҳмад ибн Ҳанбал Абдуллоҳ ибн Масъуд розияллоҳу анҳудан ривоят қилган ҳадисда Набий алайҳиссалом:
«Кам эътибор бериладиган кичик гуноҳлардан эҳтиёт бўлинглар, чунки бир одамда улар тўпланса, уни ҳалок қилади», – деганлар.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
