Бақара сураси, 88-оят
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ва: «Қалбимиз ғилофланган», – дейишар. Йўқ, ундай эмас, куфрлари сабабли Аллоҳ уларни лаънатлаган. Бас, озгинагина иймон келтирурлар. Бақара 88.
Яҳудийлар Исломга даъват қилинганларида:
«Қалбимиз ғилофланган», яъни унга даъват кирмайди, янги даъватчини қабул қилмайди», – деб айтишар эди. Аллоҳ таоло ушбу оятда уларнинг бу гаплари ёлғон эканини фош этиб, ҳақиқатни баён қилмоқда. Ҳақиқат нима? Ҳақиқат шулки:
«...куфрлари сабабли Аллоҳ уларни лаънатлаган».
Яъни улар аввалдан куфр келтириб, иймондан қочиб юрганлари учун Аллоҳ уларни лаънатлаб, раҳматидан қувиб, ҳидоят неъматидан маҳрум этган. Шу сабабдан улар иймонга кела олмайдилар. Агар мабодо келсалар ҳам,
«Бас, озгинагина иймон келтирурлар».
Қуръони Каримнинг ушбу жумласи мўъжиза бўлиб чиқди. Ҳали-ҳануз яҳудийлар юқоридаги қуръоний сифатлашга мос бўлиб турибдилар.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
