Рамазоннинг руҳи
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Рамазоннинг руҳи, унинг фойдаси ҳозир ҳам дунё миқёсида яққол кўриниб турибди. Рамазони шариф кириши билан Ислом олами бутунлай бошқача оламга айланиб қолади. Яхшиликлар кўпайиб, ёмонликлар деярли йўқолади. Ким бўлишидан қатъи назар, ҳар бир мусулмон ўзини тавбага, ибодатга уради. Номи мусулмон бўлса-да, фожирликни тарк эта олмаётганлар бундан мустасно.
Рамазон ойида ҳар ким қўлидан келганича яхшилик қилишга уринади. Барча, ҳатто ёмонлар ҳам ўзини ёмонликдан олиб қочади. Бошқа вақтда намоз ўқимайдиганлар ҳам рўзани тутиб, намоз ўқишга киришади, таровеҳга қатнаб қолади. Хуллас, мусулмон олами бир кечада яхшилик томон бурилиб қолганга ўхшайди.
Рамазони шарифнинг одамларга кўрсатган ва кўрсатаётган бу таъсири, фойдаси жуда яхши. Аммо нима учун бу олиймақом ҳолат фақат Рамазонда бўлади? Нима учун Рамазонда олинган руҳий ҳолат янаги Рамазонгача давом этмайди? Аслида бу Рамазонда ҳосил қилинган тақво, фазилатлар ва олиймақом руҳий ҳолат келаси Рамазонгача давом этиши керак-ку?!
Шайх Муҳаммад Содиқ Муҳаммад Юсуф
(Мўминнинг қалқони китобидан)
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
