Ўғирланган машина
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому алайкум! Ҳазрат, мен бундан 22 ой олдин ижарага машина олган эдим, жами 30 ойга. Ўтган Жумъа намозидан кейин расмийлаштириш учун ДАНга бордик. Машинани кўрикдан ўтказишга олиб киришди. ДАН ходими машинани кўриб: «Аформит қилинмайди», деб айтди ва ҳужжатларни олиб қўйди. «Тушунтириб беринг», десам, «Машинани моторини рақами қўлда ўзгартирилган», деб айтди. Менга бу ҳақда эгаси айтмаган, айтган бўлганларида, мен бу машинани олмаган бўлардим. Отам сўрагандилар, мен бор гапни айтдим, отам: «Дарҳол обориб бер, бу машина ўғирланган бўлиши мумкин», деб айтдилар. Эгаси моторини алиштириб бераман деб айтганди, энди бўлса «Фақат шу рақами бор блокни олиб бераман, қолганини ўзинг қиласан», деб айтди. Отам обориб бергин деб турволдилар. Ўғирланган бўлиши мумкин, деяптилар. Обориб беришга ҳаққим борми?
ЖАВОБ: Бисмиллаҳир роҳманир роҳийм.
Савдо вақтида сотувчи беркитган айб вақт ўтиши билан равшан бўлди. Харидор сотиб олинган нарсани қайтариб беришга ҳаққи бор. Валлоҳу аълам.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
