Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

141. Сабр – ҳаётнинг "қулоғи"га: "Модомики, Аллоҳ мен билан бирга экан, ҳаргиз енгилмайман" деб шивирлашингдир.

142. Баъзи одамларнинг ҳаётингдан чиқиб кетиши кўпинча Аллоҳнинг раҳмати бўлиб, буни вақт ўтиши билан тушуниб етасан.

143. Ниятингни яхшила, Аллоҳ ҳолингни яхшилайди. Бошқага яхшиликни хоҳла, сенга ўзинг ўйламаган томондан яхшилик келади. Бошланишларни гўзал қил, ниҳояларда бахтиёр бўласан.

144. Ақлингнинг кўплиги сенга нисбатан ҳасадчиларнинг пайдо бўлишига сабаб бўлади. Қалбингнинг софлиги сенинг дўстларинг пайдо бўлишига сабаб бўлади.

145. Зиёнга учраш, йўқотишнинг энг оғири тури – жаннатнинг кенглиги осмонлар ва ерчалик бўлиши, аммо у ерда бизга жой бўлмаслигидир. Ё Аллоҳ! Бизни жаннат ва унга яқинлаштирадиган сўз ва амал ила ризқлантир!

Қуйидаги маълумотлар фейсбукдаги “Роваиъул фикр” (Фикр дурдоналари), “Ховатир роқия” (Салмоқли фикрлар) каби саҳифалардан олинган.

Нозимжон Ҳошимжон таржимаси