Хатми Қуръонга марҳабо!
Азизлар, қутлуғ Рамазон ойи – Қуръон ойи кириб келмоқда. Бу Рамазон барчамизга муборак бўлсин!
Эртадан бутун дунёда, жумладан, жаннатмакон Ўзбекистонимизда ҳам муборак Рамазон ойининг энг гўзал зийнати – таровеҳ намозларидаги хатми Қуръонлар бошланади.
Расули Акрам соллаллоҳу алайҳи васалламнинг суннатлари, саҳобаи киромлар, тобеъинлар ва барча улуғ уламоларимизнинг гўзал одоби шуки, Рамазонда Каломуллоҳ тиловатига алоҳида эътибор қаратилади.
Эртадан юртимиздаги минглаб масжидлар қатори, шайх Муҳаммад Содиқ Муҳаммад Юсуф ҳазратларининг жомеъ масжидида ҳам хатми Қуръон бошланади.
Бу йилги таровеҳ намозларида Баҳодир қори Раҳматуллоҳ, Садриддин қори Абдулкарим ҳамда Аҳмаджон қори Атоуллоҳ хизматда бўладилар.
Азизлар, Рамазон ойида барчангизни таровеҳ намозларига, хатми Қуръонга таклиф қилиб қоламиз, Аллоҳ таоло қадамларингизга ҳасанотлар ёзсин!
Таровеҳ намози соат 20:30 дан бошланади.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
