Катталарга ҳурмат, кичикларга шафқат кўрсатиш | Учинчи ҳақ
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бу мусулмон банданинг асосий хусусиятларидан бўлмоғи лозим. Чунки унинг одамлар орасидаги муомаласи, асосан, мана шу меъёрлар билан намоён бўлади. Ривоятга кўра, кекса бир киши Расулуллоҳ соллаллоҳу алайҳи васалламни йўқлаб келади. Бироқ одамлар унга жой бериб, ҳурмат кўрсатишда кеч қолишади. Шунда Набий алайҳиссалом: “Кичикларимизга раҳм-шафқат кўрсатмаган, катталаримизни эҳтиром қилмаганлар биздан эмас”, дейдилар.
Ва яна “Кекса мусулмонга ҳурмат кўрсатиш Аллоҳ таолони улуғлашдандир”, деганлар.
“Бир йигит ёши сабабли бир кекса кишини ҳурмат қилса, Аллоҳ ҳам қариганида уни бошқа биров ёши туфайли ҳурмат қиладиган қилиб қўяди”. Ушбу ҳадиси шарифда мана шундай фазилатли ишни қилган кишига ажр-савоб олиш билан бирга, узоқ умр кўриш ҳақида хушхабар берилмоқда.
Абдулҳамид Зайриевнинг
“Мусулмоннинг ҳақ ва вазифалари” китобидан
Ўзбекистон Республикаси Дин ишлари бўйича қўмитанинг 2023 йил 16 январдаги 03-07/184-сонли хулоса хати асосида нашрга тайёрланди.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
