Тошкент шаҳрида имом-хатиблар учун тажвид дарслари давом этмоқда
Бугун, 16 ноябрь куни Ўзбекистон мусулмонлари идораси «Қуръон ва тажвидни ўргатиш» бўлими мудири шайх Алижон қори бошчилигида имом-хатиблар учун навбатдаги тажвид дарси бўлиб ўтди.
«Шайх Муҳаммад Содиқ Муҳаммад Юсуф» мажмуасида бўлиб ўтган тажвид дарсида Тошкент шаҳар ва Тошкент вилояти имом-хатиблари офлайн тарзда қатнашдилар. Шунингдек, бошқа вилоятлардаги имом-хатиблар учун ташкил қилинган онлайн дарслари ҳам «Қуръон ва тажвидни ўргатиш» бўлими ходимлари томонидан назорат қилиб борилди.
Имом-хатиблар ўн қироат соҳиби шайх Алижон қори бошчилигидаги устозларга араб ҳарфларининг махражларини ўқиб бериб, тажвид борасидаги малакаларини ошириб бормоқдалар.
Эслатиб ўтамиз, дарслар «ALQURAN MASS MEDIA» МЧЖ томонидан нашрга тайёрланган «Муаллими соний» китоби (ДИҚнинг 29.12.2022 йил, 9818-сонли хати билан рухсат этилган) асосида ишлаб чиқилган ва ЎМИ томонидан тасдиқланган дастурга мувофиқ олиб борилмоқда.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
