1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

«Энг яхши китобхон» танлови ғолиби аниқланди

16:35 / 25.05.2023 894 pdf Ўқиш режими + -

2023 йил 25 май куни Ўзбекистон Ёзувчилари уюшмасида Ўзбекистон мусулмонлари идораси тасарруфидаги олий ва ўрта махсус диний таълим муассасаларида таълим олаётган талабалар ўртасида «Энг яхши китобхон» кўрик танловининг Республика босқичи бўлиб ўтди.


Тадбирнинг очилиш маросимида Ўзбекистон мусулмонлари идораси раиси ўринбосари Уйғун домла Ғофуров ҳамда Ўзбекистон Ёзувчилари уюшмаси раиси Сирожиддин Саййидлар сўз олди ва китобхонликнинг ҳаётимиздаги ўрни ва аҳамияти ҳақида сўз юритиб, танлов иштирокчиларига муваффақият тиладилар.


Сўнгра танловнинг илк «Бадиий китоблар билимдони» шарти бўйича иштирокчилар беллашдилар. Билим ва маҳорат, китобхонлик ва мулоҳаза синалган ушбу шартда талабалар ўз салоҳиятларини намойш этишди. Уларнинг чиқишларини диний идора масъуллари ва диний таълим муассасалари устозлари баҳолаб борди.


Қолган «Тезкор савол-жавоб», «Буюк мутафаккир ва адиб» шартлари ҳам ана шундай муросасиз ва қизғин кечди. Якунда эса ўз билими ва китобхонлигини намойиш этган иштирокчилар ғолиб бўлди.


Натижаларга кўра: «Энг яхши китобхон» танловида фахрли биринчи ўрин «Хожа Бухорий» ўрта махсус ислом таълим муассасаси талабаси Муҳаммаджонов Хасанхон Ойбек ўғлига насиб этди. У биринчи даражали диплом ҳамда ўн миллион сўм пул мукофоти билан тақдирланди.


Фахрли иккинчи ўрин «Жўйбори Калон» аёл-қизлар ўрта махсус ислом таълим муассасаси талабаси Аминжонова Гулжахон Ботирали қизига лойиқ кўрилди. У ҳам иккинчи даражали диплом ҳамда саккиз миллион сўм пул мукофоти билан тақдирланди.


Учинчи ўрин соҳиби эса «Имом Фахриддин ар-Розий» ўрта махсус ислом таълим муассасаси талабаси Исмаилжонов Ҳадятулло Муҳаммадали ўғли бўлди. Унга учинчи даражали диплом билан ҳамда беш миллион сўм пул мукофоти тақдим этилди.


Шунингдек, танловдаги фаол иштироки учун «Кўкалдош» ўрта махсус ислом таълим муассасаси талабаси Борлибоев Ҳамидулла Хайрулла ўғлига «Энг зукко китобхон» соврини ва фахрий ёрлиғи топширилди.


Уларни Ўзбекистон мусулмонлари идораси раиси ўринбосари Уйғун домла Ғофуров ҳамда диний идора мутасаддилари тақдирлаб, келгуси ўқув ва илмий ишларига ривож тилади.


Шунингдек, тақдирлаш маросими давомида «Вақф» хайрия жамоат фонди томонидан танловнинг ҳар бир иштирокчисига «Алфиқҳул ҳанафийю фи савбиҳил жадийд» номли беш жилдли китоб тақдим этилди.


Танлов якунида «Кўкалдош» ўрта махсус ислом таълим муассасаси мудири Абдулҳаким қори Матқулов сўзга чиқиб, барча ташкилотчи ва иштирокчиларга миннатдорлик билдириб, хайрли дуолар қилди.

 

 

 

 

 

 

 

 


ЎМИ Матбуот хизмати

Мавзуга оид мақолалар
Фазилатли шайх Муҳаммад Содиқ Муҳаммад Юсуф роҳимаҳуллоҳнинг ибратли ҳаёт йўли ҳақида ҳикоя қилувчи .Ҳазратни хотирлаб, кўрсатувининг навбатдаги ғолиби давоми...

686 18:06 / 09.08.2023
Мисрнинг дунёга машҳур АлАзҳар университети Уламолари олий кенгаши томонидан Қоҳирада халқаро Қуръон карим мусобақаси ўтказилади. Бу ҳақда IQNA хабар давоми...

1676 11:48 / 12.12.2018
Америкада Шайх Муҳаммад Содиқ Муҳаммад Юсуф номидаги масжид барпо этилади. Бу ҳақда .Дунё АА, хабар берди. Ўзбекистоннинг НьюЙоркдаги АҚШ Бош консулхонаси давоми...

1883 21:31 / 30.05.2021
2019 йилнинг 2426 апрель кунлари Татаристоннинг Қозон шаҳрида .Россия ва Ислом дунёси, шиори остида XIхалқаро иқтисодий саммити бўлиб ўтди. Бу ҳақда islom.uz манбаси хабар давоми...

1723 09:00 / 27.04.2019
Аудиолар

118745 11:58 / 10.10.2018
«Ҳилол» журнали
Китоблар

40706 14:35 / 11.08.2021