1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мўминларга эслатма

Мўминнинг белгилари

11:00 / 28.06.2023 1825 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қабрнинг мунаввар бўлиши ҳақида ққуйидагилар келтирилади:

«Билгинки, етти нарса қабрнинг нурафшон, кенг, аброрларнинг даражасига етиш ва ёмонлардан қутилишга сабаб бўлади. Буларнинг ҳар бири Аллоҳ таолонинг китоби билан собит бўлган».

1. Ҳар қандай ҳолатда ҳам ибодатда ихлос бўлиши қалбга ҳузур келтиради. Аллоҳ таоло марҳамат қилади:

﴿ وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ ﴾

«..улар фақат ягона Аллоҳга, Унинг учун динни (ширкдан) холис қилган, тўғри йўлдан оғмаган ҳолларида ибодат қилишга ... буюрилган эдилар» (Баййина сураси, 5-оят).

2. Ота-онага яхшилик қилиш.

Ояти каримада:

﴿ وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا ﴾

«Аллоҳга ибодат қилингиз ва Унга ҳеч нарсани шерик қилмангиз! Ота-оналарга эса яхшилик қилингиз!» (Нисо сураси, 36-оят), деб марҳамат қилинади.

3. Силаи раҳм (қариндошлик алоқалари)ни мустаҳкамлаш.

Қуръони Каримда:

﴿ وَآتِ ذَا الْقُرْبَى حَقَّهُ ﴾

«Қариндошга ҳақларини адо этинг» (Исро сураси, 26-оят), дейилган.

4. Умрни гуноҳлар қилиб ўтказмаслик.

Аллоҳ таоло марҳамат қилади:

﴿ وَاتَّقُوا يَوْمًا تُرْجَعُونَ فِيهِ إِلَى اللَّهِ ﴾

«(Барчангиз) Аллоҳга қайтариладиган кундан (қиёматдан) қўрқингиз!» (Бақара сураси, 281-оят).

5. Ҳавойи нафсга эргашмаслик.

Ояти каримада:

﴿ وَلَا تَتَّبِعِ الْهَوَى ﴾

«...(нафсу) ҳавога эргашиб кетма!» (Сод сураси, 26-оят), деб марҳамат қилинган.

6. Тоат-ибодатда ғайрат қилиш.

Аллоҳ таоло буюради:

﴿ وَسَارِعُوا إِلَى مَغْفِرَةٍ مِنْ رَبِّكُمْ ﴾

«... Раббингиздан (бўлувчи) мағфиратга ... шошилингиз!» (Оли Имрон сураси, 133-оят).

7. Аллоҳ таолони жуда кўп зикр қилиш.

﴿يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا ﴾

«Эй имон келтирганлар! Аллоҳни кўп зикр қилингиз» (Аҳзоб сураси, 41-оят).

Ақлли киши амалда ва ибодатларида ихлосли бўлиши керак. Аллоҳ таоло Каломи мажидида марҳамат қилади:

﴿ فَمَنْ كَانَ يَرْجُو لِقَاءَ رَبِّهِ فَلْيَعْمَلْ عَمَلًا صَالِحًا وَلَا يُشْرِكْ بِعِبَادَةِ رَبِّهِ أَحَدًا ﴾

«Бас, кимки Парвардигори билан мулоқотда бўлишдан умидвор бўлса, у ҳолда эзгу амал қилсин ва Парвардигорига ибодат қилишда ҳеч кимни (Унга) шерик қилмасин!» (Каҳф сураси, 110-оят).

Дунё уйи йўқлар учун уй, моли йўқлар учун молдир. Бу иккаласини ақли йўқлар жамлайди, улар билан фаҳми йўқлар хурсанд бўлади. Ким йўқ бўлиб кетадиган неъматни, узиладиган ҳаётни хоҳласа, ўзига зулм қилибди, Раббисига осий бўлибди, охиратини унутибди.

Мўмин кишининг белгиси тўрттадир:

1. қалбини кибр ва адоватдан сақлаш.

2. тилини ёлғон ва ғийбатдан тийиш.

3. амалини риёдан асраш.

4. ўзини ҳаром ва шубҳадан узоқ тутиш.

Али розияллоҳу анҳу айтади:

«Ким ҳаромга қараса-ю, лекин ундан тановул қилмаса ва ўзида ўша нарса бўлишини хоҳламаса ҳам қирқ кунгача ибодатнинг лаззатини туймайди. Ким ҳаромга қараса ва у ўша нарса ўзида бўлишини орзу қилса, қирқ йилгача ибодатнинг лаззатини туймайди».

«Эй Раббимиз, агар унутсак ёки хато қилсак, бизни жавобгар этма!» (Бақара сураси, 286-оят).

 

«Мусулмон учун 30 ваъз» китоби асосида тайёрланди

 

Ушбу мақола Ўзбекистон Республикаси Дин ишлари бўйича қўмитанинг 2023 йил 14 мартдаги 03-07/1733-рақамли хулосаси асосида тайёрланди

Мавзуга оид мақолалар
Аллоҳ таоло Ўзига қайтган солиҳ бандасини севади. Бу севги онанинг боласига бўлган муҳаббатидан ортиқ. Ҳабибнинг маҳбубасига бўлган севгидан зиёда. Чўпоннинг давоми...

1112 16:00 / 10.11.2022
Сен у Зот билан ҳақиқатдан дўст, ҳамроҳ ва қўшни бўлиб у киши билан бирга ўйнашни истайсанмиЯна сен у Зот алайҳиссалом ҳақиқатдан ҳам сен билан суҳбат қуришларини, давоми...

4652 13:50 / 07.07.2021
Тавба қилиш банда учун вожиблиги ҳақидаги далиллар жуда ҳам кўп. Намуна учун баъзиларини зикр қиламиз.Аллоҳ таоло шундай марҳамат қилади давоми...

3219 09:00 / 28.06.2021
.Илм ndash ҳар доим очиқ эшикка ўхшайди, унга кириш ҳар бир инсоннинг ўз ихтиёрига боғлиқ,.Шайх Абдулвоҳид ЯҳёАбдулвоҳид Яҳё Рене ЖанМариЖозеф Генон 1886 ndash 1951 ndash давоми...

1923 13:30 / 02.04.2021