Ҳажга ният қилганларга эслатма ва хушхабар
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ عَبْدِ اللَّهِ، قَالَ: قَالَ رَسُولُ اللَّهِ صلى الله عليه وسلم: «تَابِعُوا بَيْنَ الْحَجِّ وَالْعُمْرَةِ، فَإِنَّهُمَا يَنْفِيَانِ الْفَقْرَ وَالذُّنُوبَ، كَمَا يَنْفِي الْكِيرُ خَبَثَ الْحَدِيدِ وَالذَّهَبِ وَالْفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلَّا الْجَنَّةُ».
رواه الترمذي.
:Абдуллоҳ розияллоҳу анҳудан
Расулуллоҳ соллаллоҳу алайҳи васаллам дедилар: «Ҳаж ва умрани кетма-кет қилинглар, чунки иккиси босқон темир, тилла ва кумушнинг зангини йўқ қилганидек, фақирлик ва гуноҳларни йўқ қилади. Мабрур ҳажнинг жаннатдан бошқа савоби йўқ
.Имом Термизий ривоят қилган
Ҳадиси шарифда ҳаж қилганда умра қилиш, умрага борганда ҳажни адо этишга уриниш, шунингдек, бу икки ибодатга эътиборли бўлиш кўзда тутилган, дейди шориҳлар. Шу билан бирга, бу ҳадисда ҳаж ва умра учун пул сарфлашда фақирликдан қўрқмаслик уқтирилган. Қодир одам фарз ҳажга пул харжлашда ушбу ҳақиқатни унутмаслиги керак ва бу тажрибада кўп кўрилган. Билганлар буни яхши тушунади.
Ҳасанхон Яҳё Абдулмажид
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
