ПСЖ ярим ҳимоячиси Идрисса Гуйе ЛГБТни тарғиб қилувчи кийимда ўйнашдан бош тортди
Ҳозирда Франциянинг «Пари Сен-Жермен» клубида ўйнаётган таниқли футболчи Идрисса Гуйе яқинда ЛГБТни тарғиб қилувчи кийим кийишдан бош тортгани учун ўз клубининг «Монпеле»га қарши ўйинини ўтказиб юборишга мажбур бўлди. Бу ҳақда theislamicinformation.com манбаси хабар берди.
Гуйе мазкур либосни кийишдан бош тортгандан сўнг «ПСЖ» бош мураббийи Маурисио Почеттино шу заҳотиёқ унинг ўйинда иштирок этмаслиги ҳақида баёнот берди. Почеттино 32 ёшли футболчи шахсий сабабларга кўра, жамоани тарк этишга мажбур бўлганини, аммо жароҳат олмаганини маълум қилди.
Сенегал терма жамоасида ҳам тўп сурадиган Гуйе диндор мусулмон сифатида танилган.
Гуйе Франциянинг «Лилль» клубининг ўринбосар жамоасига қўшилишдан олдин ўзи туғилиб ўсган Сенегалдаги «Диамберс» клубида футболчилик фаолиятини бошлаган. Кейин у 2010 йилдан 2015 йилгача клубнинг асосий аъзосига айланди.
Сўнгра «Астон Вилла»га ўтиб, Англияга кўчиб ўтди ва бир йилдан сўнг «Эвертон» билан шартнома имзолади. 2019 йилда Гуйе Лига 1 чемпиони «Париж Сен-Жермен» (ПСЖ) сафига қўшилди
Гуйе 2011 йилда Сенегал терма жамоасида дебют қилган. Қайд этилишича, у 2012 йилги ёзги Олимпия ўйинлари, 2018 йилги футбол бўйича жаҳон чемпионати каби бир қанча нуфузли халқаро мусобақаларда ўз мамлакатини ҳимоя қилган. У шунингдек, Сенегалнинг 2022 йилги Африка Миллатлар Кубогида ғалаба қозонишига ёрдам берди.
Нозимжон Ҳошимжон ва Хуршид Маъруф тайёрлади.
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
