1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Нуқтаи назар

Унутманг, сиз Ваҳҳоб зотдан сўраяпсиз

09:01 / 26.04.2022 3555 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Албатта Аллоҳ бандаси унга икки қўлини кўтариб дуо қилганда, уларни қуруқ қайтаришдан ҳаё қилади. шундай экан нега биз дуода сўрайдиган нарсаларимизнинг миқдорини ҳам кўтармаслигимиз керак. Пайғамбарларнинг дуода сўраган нарсалари нақадар юксак даражада бўлганини ўйлаб кўринг, улар Аллоҳдан банданинг наздида амри маҳол бўлган нарсаларни ҳам сўрар эдилар. Унинг қандай амалга ошишига парво қилмас эдилар. Нега дейсизми? Чунки улар Аллоҳ таолонинг Ваҳҳоб исмининг маъносини жуда яхши англар эдилар. Аллоҳнинг Набийси Сулаймон алайҳиссаломнинг дуоларига эътибор беринг!

قَالَ رَبِّ اغْفِرْ لِي وَهَبْ لِي مُلْكًا لَّا يَنبَغِي لِأَحَدٍ مِّنْ بَعْدِي إِنَّكَ أَنتَ الْوَهَّابُ

«У: «Роббим, мени мағфират қилгин ва менга ўзимдан кейин бирор кишига муяссар бўлмайдиган подшоҳликни ҳадя этгин. Албатта, сен кўплаб ҳиба-ҳадя берувчисан», – деди (Сод сураси, 35-оят)».

Бу дуодан сўнг натижа нима бўлди? Аллоҳ таоло Сулаймон алайҳиссаломга Пайғамбарлик, подшоҳлик, илм, ҳикмат ато этди, шамоллар, жинлар, қушлар, инсонлар, отлар ва ваҳший ҳайвонларни У зотга бўйсундириб қўйди.

Дуода тавозеъли бўлиш зуҳддан эмас. Аллоҳдан дунё сўраётганингизда ҳам, ҳимматни баланд қилиб сўранглар. Аллоҳдан охират неъматини сўраётганингизда ҳам ҳимматни баланд қилинг, У зотдан энг олий Фирдавсни сўранг, иккиланманг! Ўзингизни Фирдавс жаннатига муносиб эмасман деб ўйласангиз ҳам сўрайверинг. Ахир сизлар Ваҳҳоб зотдан сўраяпсизлар. Бу шундай ибодатки, кўпчилик уни унутган. Лекин Аллоҳ таоло Ўзига зорланиб, ҳамма нарсани Ўзидан сўрашимизни яхши кўради. Бу шундай ибодатки, унинг номи қўрқувларга тўла олам ичра турганингизда ҳам, келажакдан ҳавотирда бўлсангиз ҳам Аллоҳ таоло ҳақида яхши гумонда бўлишдир. Аллоҳ таоло ҳақида қанчалик яхши гумонда бўлсак, бизга шу қадар кўп яхшилик келиб, ёмонлик биздан шунчалар узоқлашади. Аллоҳ ҳақида яхши гумонда бўлинглар, Аллоҳ сизларга раҳм қилсин ва дуоларингизни ижобат қилсин»!

Доктор, даъватчи Абдураҳмон Ашмовий.

Нозимжон Ҳошимжон таржимаси.

Таржимон
Нозимжон Ҳошимжон
Манба
islom.uz
Мавзуга оид мақолалар
Агар отанг вафот этса, насиҳат ҳам вафот этади.Агар аканг вафот этса, ўнг қўлинг кесилгандай бўлади.Агар онанг вафот этса, нуринг ўчади.Агар синглинг ёки опанг давоми...

1430 12:29 / 21.12.2023
Француз ёзувчиси, файласуф ва сиёсатчи, компартия раҳбарларидан бири, 1982 йилда исломни қабул қилган Роже Гароде Ислом ҳақида шундай дейди .Аллоҳга ҳамд бўлсинки, давоми...

4091 10:30 / 11.06.2021
Мен чекмайман, лекин чўнтагимда гугурт қутисини олиб юраман. Юрагим гуноҳга ботиб кетганда, гугуртни ёқиб, кафтимга қўяман ва кейин ўзимга шундай дейман .Aли, сен давоми...

2418 14:00 / 07.09.2021
.Мусулмонларнинг Андалусиясидан бизгача 30 та китоби қолди. Ўша китобларни ўқиб, атомни парчалашга эришдик. Агар биз ёқиб юборган ана ўша буюк Ислом давоми...

2646 09:30 / 19.02.2021
Аудиолар

118784 11:58 / 10.10.2018
«Ҳилол» журнали
Китоблар

40734 14:35 / 11.08.2021