Bolani kim emizadi?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Yangi topilgan va chiroyli bola qasrning quvonchi va xonadonning ovunchog‘iga aylandi. Qasrdagi har bir kishi bolani suyub erkalatar hamda yaxshi ko‘rib, maqtar edi. Chunki malika bu bolani qattiq yaxshi ko‘rardi. Shundan keyin Bani Isroillik jajji go‘dakni saroy bekalari va xizmatkorlari qanday qilib suymasinlar. U yerdagi barcha bolakayni qo‘liga olib, o‘par edi. Chunki bolakay go‘zal edi. Malika go‘dak emishi uchun emizuvchi chaqirtirdi. Bolani emizish uchun unga ko‘krak tutganlarida go‘dak yig‘lab emmadi. Malika boshqa emizuvchi olib keltirdi. Go‘dak hanuz yig‘lab emmas edi. Uchinchi, to‘rtinchi, beshinchi marotaba yangi, yangi emizuvchilar olib kelishdi. Lekin bola yig‘lab, birortasining ko‘kragini og‘ziga olmadi. Ajabo, go‘dak nega emmayapti? Nima uchun yig‘layapti? Musoni emizgani kelgan ayollar malikani xursand qilib, undan hadyalar, sarpolar olish niyatida go‘dakni emizishga rosa urindilar. Lekin Alloh taolo Musoga ularning sutini harom qilgandi. Go‘dakning emmayotgani butun qasrga ovoza bo‘ldi va xonadonning mashg‘ulotiga aylandi:
- Hoy egachi, (daryodan topilgan) yangi bolani ko‘rdingizmi?
- Ha ko‘rdim, juda ham do‘ndiq bola ekan. Lekin u boshqa bolalarga o‘xshamaydi. Hech qaysi emizuvchini emmayotgan emish.
- Uni emizamiz deb olsalar, chirqirab yig‘lar va emmas emish. Bechora bola endi qanday yashaydi. U o‘lib qoladiku?
Darhaqqiqat, bir necha kun o‘tsa ham hech bir ayolni emmadi.
Abul Hasan Ali Hasan an-Nadaviy
Tarjimon Anvar Ahmad
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
