Бухорода ХVIII асрда қурилган эски масжид биноси топилди
«Обод маҳалла» давлат дастури ижросини таъминлаш юзасидан Бухоро шаҳар прокуратураси, «Имом ал-Бухорий» маҳалла фуқаролари йиғини, Маданий мерос департаменти Бухоро вилоят бошқармаси ва тегишли ташкилотлар билан ҳамкорликда 2-секторга тегишли ҳудудда Бухоро шаҳрининг тарихий қисмида жойлашган маҳаллани ободонлаштириш, ҳудудларни санитар тозалаш ҳам одамлар учун қулай инфратузилмани яратиш бўйича қатор ишлар олиб борилмоқда.
Бухоро тарихий марказидаги хонадонларни бирма-бир ўрганиш жараёнида маҳалланинг Мирзо Ғафур кўчасидаги омборхоналар (гаражлар) ва аҳоли уйлари орасида қолиб кетган қадимий масжид биносининг қолдиқлари борлиги аниқланди. Бу ҳақда Маданий мерос департаменти Бухоро вилоят бошқармаси матбуот хизмати хабар берди.
Дастлабки маълумотларга қараганда, ХVIII аср бошларида қурилган мазкур объект «Қўчқор Кўрчи» масжидига тегишли бинолар эканлиги тахмин қилинмоқда.
Ҳозирда ҳолат бўйича тегишли идоралар билан биргаликда батафсил ўрганиш ишлари олиб борилиб, мазкур маданий мерос объектини давлат муҳофазасига олиш бўйича чоралар кўрилмоқда.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
