Христиан динида фирқаларга ажралиш (тўртинчи мақола)
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ал-Маликания (Католик) мазҳаби
Бу мазҳаб Рим черкови эътироф этганидек, илоҳлик ва инсонлик табиатини ўзида жамловчи эътиқодга эга мазҳабдир. Бу борада 451 йилда Калкедондаги йиғилишда қарор қабул қилинган. Бу эътиқод юқорида ҳам зикр қилинганидек, Исо алайҳиссаломнинг инсон бўлиб туғилиб, кейинчалик илоҳлик табиатига эга бўлганлигига эътиқод қилувчи настурийлардан таъсирланган. Лекин бу мазҳаб, настурийлардан Исо алайҳиссаломнинг икки табиатга эга бўлган ҳолда туғилган, деб тушинишлари билан ажралиб турадилар. Зеро; Исо Отаси билан илоҳлик, инсонлар билан эса инсонийлик табиатига киради. Бу нарса икки табиат кўринишида бўлса-да, асл жавҳар бирдир. Бу йиғилишга мамлакат подшоҳи ҳам ташриф буюрганлиги сабабли ҳам Маликания деб номланган.
Бу мазҳабнинг черковлари Византиянинг асосий кучини ташкил этган. Маликания Сурия, Миср ва Фаластинда кенг ёйилган. Америка Қўшма Штатларида ҳам бу мазҳабнинг анчагина мансублари мавжуд. Черковларининг Византияда каттагина нуфузга эканлиги сабабли бу черковлар Рим черковлари, деб ҳам номланган.
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
