1445 йил 12 зулқаъда | 2024 йил 20 май, душанба
Минтақа:
ЎЗ UZ RU EN
Мақолалар

Хавф намози қандай ўқилади?

15:00 / 15.06.2020 3334 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Савол: «Хавф намози» деганда қандай намоз назарда тутилади ва у қандай адо этилади? Иложи бўлса, шу ҳақда тушунтириш берсанглар.

Ғайрат

Фориш тумани


Намоз ўқишга жиддий хавф туғилиб турганда (масалан, душман бостириб келаётгани маълум бўлса ёки бирор табиий офатнинг хавфи бўлса), бундай пайтда ўқиладиган фарз намозлари «хавф намози» ҳисобланади. Агар хавф кучайиб кетса, имом жамоатни икки гуруҳга ажратади. Бир тоифа душман томонда турса, иккинчи тоифа имомга иқтидо қилади. Агар намоз икки ракатли бўлса, имом биринчи тоифа билан биринчи ракатни ўқийди, биринчи ракатнинг иккинчи саждасидан бошини кўтарганда орқадаги иқтидо қилган гуруҳ душман томонга бориб туради, душман томонидаги хавфга кўз-қулоқ бўлиб турган жамоат эса келиб, имомга иқтидо қилади. Имом улар билан иккинчи ракатни тугатиб, ташаҳҳудни ўқиб салом беради. Аммо имомга эргашувчилар салом беришмайди. Балки улар душмандан келадиган хатарга кўз-қулоқ бўлиш учун боришади. Аввалги жамоат эса келиб, қолган бир ракатни имомсиз қироат қилмай ўқишади. Чунки улар имомга аввалдан иқтидо қилганлик ҳукмида эдилар. Кейин ташаҳҳудни ўқишади ва салом беришади-да, яна душманнинг хавфи бор томонга бориб туришади. Сўнгра иккинчи гуруҳ келиб, қолган бир ракатларини қироат билан адо қилишади. Чунки улар имомга аввалги ракатда иқтидо қила олишмаган эди. Шунинг учун улар масбуқ ҳукмида бўлишади. Шундан сўнг ташаҳҳудни ўқиб, салом беришади.

Уч ёки тўрт ракатли намозда имом аввалги икки ракатни биринчи гуруҳ билан ўқийди, кейин икки ёки бир ракатни иккинчи гуруҳ билан адо қилади. Ҳар икки жамоат ҳам қолган ракатларни юқоридагидек жой алмаштириб ўқиб олади. Намоз ўқиб турган ҳолда жанг қилинса, намоз бузилади. Чунки Пайғамбаримиз соллаллоҳу алайҳи васаллам Ҳандақ ғазоти куни тўрт вақт намозни ўқий олмадилар. Агар урушиб туриб ҳам намозни ўқиш керак бўлганда, ҳаргиз Расулуллоҳ соллаллоҳу алайҳи васаллам уни тарк қилмаган бўлар эдилар.

Агар хавф янада кучайиб кетса, отга минган ҳолда ёки пиёда қай томонга юзланиб бўлса ҳам, рукуъ ва саждаларни имо-ишора қилиб намоз ўқилади. Уруш бошланиб кетса, юқорида айтганимиздек, намоз бузилади. Хавф намози ўқилаётганда қурол-аслаҳаларни тақиб олиш мустаҳаб амалдир. Хавф намозини ҳар икки гуруҳ алоҳида имом билан навбат-навбат ўқиб олиши ҳам афзалдир. 


Шайх Муҳаммад Содиқ Муҳаммад Юсуфнинг

«Мўминнинг меърожи» китобидан



Мавзуга оид мақолалар
Аллоҳ таоло шундай марҳамат қилади.Ким Аллоҳнинг нишоналарини улуғласа, бу қалбларнинг тақвосидандир, Ҳаж сураси, 32оят..Аллоҳнинг нишонаси, деганда кўрганда, ёдга давоми...

4193 09:00 / 30.05.2021
Кераксиз сўзга кетган вақт ҳақидаЭй, куну тунини майда гапга, Жазоловчининг буйруқларига хилоф ишларга, гуноҳу маишатга сарфлаган банда Фурсат сенга айтади .Эй, давоми...

1816 16:00 / 23.07.2019
.Албатта, Лут ҳам юборилган Пайғамбарлардандир, Соффат, 133сураҚуръонда ҳукм ва илм берилган пайғамбар деб таъриф этилган Лут алайҳиссалом Нуҳ алайҳиссалом каби давоми...

3301 14:00 / 12.03.2019
Расулуллоҳ соллаллоҳу алайҳи васаллам шундай дедилар .Бир киши чўлда кетаётган эди. У жуда чанқаб кетди. Шу пайт қудуқни кўриб қолиб, дарров унга тушдида, давоми...

1260 08:00 / 02.09.2020
Аудиолар

121655 11:58 / 10.10.2018
«Ҳилол» журнали
Китоблар

43108 14:35 / 11.08.2021