Ўзбекистонлик қори хатми Қуръонда иштирок этиш учун АҚШга жўнаб кетди
Сўнгги йилларда диний-маърифий соҳадаги ислоҳотлар сабаб юртимиздан кўплаб қорилар етишиб чиқмоқда.
Бир неча йилдан буён хориж давлатлари диний идораларидан келган таклифлар асосида қориларимиз чет мамлакатларида диний-маърифий тадбирларда иштирок этиб, таровеҳ намозларини адо этиб келишмоқда.
2019 йилги Рамазон ойида ҳам қориларимиз АҚШ, Россия ва бошқа мамлакатларда хатми Қуръонлар ўтказиб берадилар.
Жумладан, АҚШдаги Туркистон – Америка жамиятининг расмий таклифига биноан Тошкент шаҳридаги “Аҳмаджон қори” масжиди имом-хатиби Муҳаммадий қори Эргашев АҚШга жўнаб кетди. Бу ҳақда Ўзбекистон мусулмонлари идораси Масжидлар бўлими хабар беради.
У ерда меҳмонни жамият раиси Абдуллоҳ Хўжа жаноблари кутиб олди. Муҳаммадий қори Нью-Жерси штати Довер шаҳрида Рамазон ойи давомида мусулмонларга таровеҳ намозини адо этиб, диний-маърифий суҳбатлар ўтказиб бериши режалаштирилган.
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
