Мағлуб бўлиб ютиш ҳақида
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Муҳаммад Али Равшан — мисрлик дзюдочи, Жаҳон чемпионати кумуш медали соҳиби, ҳарбийлар ўртасида Жаҳон чемпиони, 1984 йилги Олимпиада кумуш медали соҳиби.
Муҳаммад Али Равшан 1984 йил Лос-Анжелесда бўлиб ўтган олимпиада финалида Ясухиро Ямаситага қарши татамига чиқади. Ямасита финалдан олдинги курашларнинг бирида жиддий жароҳат орттириб олгани учун оёғини қимирлата олмаётганди. Бутун жанг давомида Муҳаммад Али Равшаннинг мураббийи рақибнинг ўнг оёғига зарба беришни айтиб турса ҳам у бу ишни қилмайди ва охир-оқибат мағлуб бўлиб, кумуш медал билан кифояланади.
Жангдан сўнг журналистлар Равшандан нега шундай имкониятдан фойдаланмаганини сўрашганида, у: «Диним менга ярадор, шикастланган ва мажруҳ аъзоларга уришни ман этади. Агар мен унинг яраланган оёғига зарба берганимда у бир умр мажруҳ бўлиб қоларди. Мен унга олтин медал эвазига ҳам бу нарсани раво кўрмайман!» деб жавоб беради.
Халқаро олимпиада қўмитаси Равшанга ҳалол ўйин учун «Йил спортчиси» унвонини беради. Спортчи кейинчалик Японияга борганида уни катта эҳтиром билан кутиб олишади.
Баъзи вақтларда мағлублар ғолиблардан кўпроқ эсланади ва қадрланади. Баъзи манбаларда Муҳаммад Али Равшаннинг бу ҳаракати бутун дунёда минглаб инсонларнинг Ислом динини қабул қилишига сабабчи бўлгани таъкидланади.
Манба: Muslim Mind
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
