Қуръон ўқи!
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Кишилар мақом ва юқори мартабани бойликдан, машина маркаблардан, ҳашаматли қаср, уйлардан, катта фойдалар келтирувчи бизнес ва тижоратлардан, гўзал, соҳибжамол аёллардан излашади. Яъни, кишига нуфуз, обрў ушбу нарсалар билан ҳосил бўлади деб гумон қилишади. Уни дунё матоларидан излашади.
Аслида, агар улар Аллоҳга қурбат, яқин бўлишнинг таъмини тотишса эди, албатта Аллоҳнинг инояти, раҳмати, ҳифзи, қўллови остида эканини ҳис қилишса эди, агар улар Қуръонни ўқиб унинг таъсирида Аллоҳга хушуъ ила юзланиб, эриб, таъсирланишса эди, агар улар намозни худди видолашувчининг намози каби адо этишганида эди, у ҳолда улар муножотларида Аллоҳ билан бирга бўлур эдилар. Демак, агар Аллоҳга сўзламоқчи бўлсанг, унга дуо қил. Агар Аллоҳ сенга сўзлашини истасанг, Қуръонни ўқи!
Манба: arabic.uz
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
