Аллоҳ буюрган фарзларни адо қиляпмизми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Усома ибн Зайд розияллоҳу анҳу 18 ёшларида энг буюк армияга қарши уришиш учун ичида Абу Бакр ва Умар розияллоҳу анҳулар катта саҳобалар бор бўлган армияни бошқарган.
Муҳаммад Ал-Қосим 17 ёшларида Синдни (бугунги кундаги Покистон ва шимолий Индияда жойлашган шаҳар) фатх этган ва ўз даврида буюк қўмондонлардан бўлган.
Саъд ибн Аби Ваққос 17 ёшларида Аллоҳ йўлида биринчи ўқни отган ва олти кишидан иборат маслаҳат соҳибларидан бўлган. «Расулуллоҳ соллаллоҳу алайҳи васаллам унга ишора қилиб: «Бу менинг тоғам, қани ҳар бир киши менга ўзини тоғасини кўрсатсинчи» деб айтардилар».
Арқом ибн Аби Арқом 16 ёшларида Расулуллоҳ соллаллоҳу алайҳи васаллам учун кетма-кет 13 ўтирадиган жой қилган.
Толха ибн Убайдуллоҳ 16 ёшида арабларнинг энг саҳийси бўлган ва Уҳуд жангида Расулуллоҳ соллаллоҳу алайҳи васалламга ўлим учун байъат берган ва кофирлардан ҳимоя қилган. Расулуллоҳ соллаллоҳу алайҳи васалламга отилган ўқларни қўли билан тўсган, бармоқлари шол бўлган ва уни ўз жони билан қутқарган.
Амр ибн Калсум 15 ёшларида Бану Тағлиб қабиласини бошқарган. Агар Ислом келмаганда Бану Тағлиб қабиласи одамларни еб ташларди, бошқа қабилаларни босиб одамларни ўлдириб юборарди.
Муоз ибн Амр ибн Жамух 13 ёш ва Муоз ибн Афро 14 ёшларида Абу Жаҳлни Бадр жангида ўлдирганлар ва Абу Жаҳл ўша вақт мушрикларни қўмондони эди.
Зайд ибн Собит 13 ёшларида ваҳий ёзувчиси бўлган ва сирёний ва яҳудий тилини 17 кечада ўрганган. Расулуллоҳ соллаллоҳу алайҳи васалламнинг таржимони бўлган. Қуръонни ёд олиб, уни жамлашда ёрдам берган.
Биз-чи...?
Аллоҳ буюрган фарзларни адо қиляпмизми?
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
