1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Сийрат

Набий соллаллоҳу алайҳи васалламнинг умматларига қилган дуолари

15:55 / 08.03.2018 4632 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

4600. Анас розияллоҳу анҳудан ривоят қилинади:

«Набий соллаллоҳу алайҳи васаллам:

«Ҳар бир Набийнинг дуоси бор. Бас, у билан дуо қилган ва ижобат бўлган. Мен ўз дуоимни қиёмат куни шафоат ўлароқ (олиб) қўйдим», дедилар».

Икки шайх ва Термизий ривоят қилганлар. 

Шарҳ: Бу ердаги «дуо»дан мурод бош дуодир. Пайғамбар соллаллоҳу алайҳи васалламнинг кўпгина дуолари бу дунёда ҳам дарҳол қабул бўлган. Мисол учун, Бадр урушида дуолари қабул бўлиб, мусулмонлар душмандан ғолиб келганлар. Бир Жумъа куни аъробий ёмғирни сўраганида Расулуллоҳ соллаллоҳу алайҳи васалламнинг бу ҳақдаги дуолари тамом бўлмай туриб, ёмғир ёға бошлаган ва ҳоказо.

4601. Термизийнинг ривоятида:

«Ҳар бир Набийнинг мустажоб дуоси бор. Бас, мен ўз дуоимни қиёмат куни шафоат ўлароқ беркитиб қўйдим. У, иншааллоҳ, улардан Аллоҳга ҳеч нарсани ширк келтирмай ўлганларига ноил бўлгусидир», дейилган.

Шарҳ: Аллоҳ таоло сиз билан бизни ҳам Расулуллоҳ соллаллоҳу алайҳи васалламнинг ўша мустажоб дуоларидан баҳраманд бўладиган умматларидан қилсин.

4602. Абу Ҳурайра розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Аллоҳим! Албатта, мен Сенинг ҳузурингда ваъда олганман ва, албатта, Сен унга хилоф қилмагайсан. Мен бир башарман, холос.

Мўминлардан қай бирига озор берган, сўккан, лаънатлаган ёки дарра урган бўлсам, ўшани унинг учун қиёмат куни уни Сенга яқинлаштирадиган намоз, закот ва қурбат қилгин», дедилар».

Икки шайх ривоят қилган.

Шарҳ: Расулуллоҳ соллаллоҳу алайҳи васалламнинг бу дуоларида ҳам у зотнинг умматларига бўлган шафқатлари, улар учун бўлган қайғуришлари ўз аксини топган.

Албатта, Расулуллоҳ соллаллоҳу алайҳи васалламнинг ўз умматларига қилган дуолари кўп. Биз ўрганган дуолар улардан баъзи намуналар, холос.

Пайғамбар соллаллоҳу алайҳи васалламнинг қилган барча дуолари мақбул бўлгани улкан ҳақиқат. У зотнинг умматларига қилган ва қиладиган дуолари ҳам, Аллоҳ таоло хоҳласа, мақбулдир.


Шайх Муҳаммад Содиқ Муҳаммад Юсуф

  (Ҳадис ва ҳаёт китобидан)



Муаллиф
islom.uz
Мавзуга оид мақолалар
. .Имрон ибн Ҳусойн розияллоҳу анҳудан ривоят қилинади.Менинг бавосилим бор эди. Бас, Набий соллаллоҳу алайҳи васалламдан намоз ҳақида сўрадим.У давоми...

2172 13:00 / 06.12.2020
Сўнг Пайғамбар соллаллоҳу алайҳи васаллам Зайд ибн Ҳориса розияллоҳу анҳу ҳамроҳлигида Макка томон йўл олдилар. Йўлда Пайғамбар соллаллоҳу алайҳи васалламнинг давоми...

3356 16:46 / 30.12.2017
783. Абдуллоҳ ибн Умар розияллоҳу анҳумодан ривоят қилинади .Расулуллоҳ соллаллоҳу алайҳи васаллам .Агар уч киши бўлса, иккитаси учинчини қўйиб пичирлашмайди,, давоми...

1878 23:03 / 11.11.2022
Йигирма тўртинчи суннат Маймуна розияллоҳу анҳодан ривоят қилинади.Набий соллаллоҳу алайҳи васалламдан ёққа тушган сичқон ҳақида сўралди. У зот соллаллоҳу давоми...

3527 20:00 / 22.07.2019
Аудиолар

118795 11:58 / 10.10.2018
«Ҳилол» журнали
Китоблар