1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Ислом

Махсус дуолар ҳақида - мажлисдан туриш дуоси

19:21 / 21.03.2018 7994 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло:

«Ўрнингдан турганингда Роббингга тасбеҳ айт! Ва кечаси ҳам. Бас, юлдузлар ботгандан кейин ҳам тасбеҳ айт», деган («Тур» сураси, 48-49-оятлар).

Демак, ҳар доим Аллоҳга боғлиқ бўлмоқ ва У Зотга тасбеҳ айтиб турмоқ зарур. Жумладан, мажлислардан тураётганда ҳам.

4658. Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Ким бир мажлисда ўтириб, унинг гапи кўпайиб кетса ва мажлисдан туришдан олдин «СубҳанакАллоҳумма! ва биҳамдика, ашҳаду аллаа илааҳа илла анта, астағфирука ва атубу илайка», деса, унинг ўша мажлисдаги нарса(гуноҳ)лари кечирилади», дедилар».

«Сунан» эгалари ривоят қилганлар.

4659. Абу Довуднинг лафзида:

«Набий соллаллоҳу алайҳи васаллам мажлисдан турмоқчи бўлсалар, «СубҳанакАллоҳумма! ва биҳамдика, ашҳаду аллаа илааҳа илла анта, астағфирука ва атубу илайка», дер эдилар.

Бас, бир киши:

«Эй Аллоҳнинг Расули! Албатта, сиз авваллари айтмаган гапингизни айтмоқдасиз?» деди.

«Мажлисда бўладиган нарсаларнинг каффороти», дедилар».

Шарҳ: Дуонинг маъноси: «Аллоҳим! Сен поксан. Сенга ҳамд бўлсин. Сендан ўзга илоҳ йўқ деб шаҳодат келтираман. Сендан истиғфор сўрайман, Сенга тавба қиламан».

Мажлисларда турли гап-сўзлар ва яна баъзи бир ишлар ҳам бўлиш эҳтимоли кўп. Ўшаларнинг каффоротига ушбу дуони ўқиб қўйиш лозим бўлади. Жуда ҳам осон бўлган бу дуони ёдлаб олиб, ҳар мажлисдан тураётганимизда ўқиб юришимиз лозим.


Шайх Муҳаммад Содиқ Муҳаммад Юсуф

  (Ҳадис ва ҳаёт китобидан)



Муаллиф
islom.uz
Мавзуга оид мақолалар
Бирор нарсага қарши чиқиш ёки уни қабул қилишдан аввал ўша нарса билан танишиб чиқиш кераклиги ҳамма билган ва амал қилиб келган ҳақиқатлардан биридир. Акс ҳолда давоми...

4103 23:07 / 26.04.2017
Исломнинг молдунё тўғрисидаги фалсафасидан келиб чиқиб, иқтисодий ислоҳотлар учун берадиган таклифлар1. Ер остиусти бойликларининг асл эгаси дея халқни эътироф давоми...

1861 19:00 / 22.12.2021
Ғийбат сабабли дунёда, динда жуда кўп зарарлар юзага келади. Ғийбат қилувчига Қуръони Каримдаги.Дунёни ҳам, охиратни ҳам қўлдан бой берди, Ҳаж сураси, 11оят давоми...

2556 14:00 / 28.03.2022
Аллоҳ таоло айбларимизни сатр қилиб туришига қарамасдан, кўплаб инсонлар бизнинг баъзи айбларимиз билан бирга яшашга тоқат қилолмайдилар. Агар айбларимизни давоми...

3488 05:00 / 17.02.2017
Аудиолар

118770 11:58 / 10.10.2018
«Ҳилол» журнали
Китоблар

40726 14:35 / 11.08.2021