1446 йил 17 рабиъул аввал | 2024 йил 20 сентябрь, жума
Минтақа:
ЎЗ UZ RU EN
Таҳлил

Бир умрлик хазинага эга бўлмоқчи бўлсангиз, одоблар хазинасини ўқинг!

15:47 / 23.01.2018 8107 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Мактабда ўқиб юрган чоғларимда ҳақиқатан ҳам зукко ва илмли бир устозим бўларди (исмларини айтишимни жоиз кўрмадилар). Ўқиш кунларнинг бирида устоз қучоқлари тўла китоб ва кўп пул билан хонамизга кириб келдилар. Эҳтирос билан китоб муаллифи ҳақида гапира кетдилар ва муаллифнинг қанчалар илмли ва тажрибали эканлигини таъкидладилару, шу орада бу китобда муаллифнинг катта бир хатога йўл қўйганини айтиб ўтдилар. Агарда кимда-ким китобдаги шу хато жумла ёки гапни бир ҳафта муддатда топса, унга 500,000 сўм пул мукофоти беришни ваъда қилдилар. Шунингдек, ким шу китобни мағзини чақса ва ўқиб англаса бир умрга етадиган хазинага эга бўлади, дедилар.

Синфдошларим орасида қандай рақобат ва қизиқиш уйғонганини тасаввур ҳам қила олмайсиз. Бошқа синфдаги ўқувчилар ҳам устоздан мусобақада қатнашишни сўрайвериб охири кўндиришганди, ҳатто китоб етмаганлар шаҳарга чиқиб китоб қидиришга тушишган ва пойтахтдаги танишларига буюртма ҳам беришганди. Мактабда бир ҳафта ўқувчилар тинмасдан дарсдан кейин қолишар ва китобни ҳар бир саҳифасини муҳокама қилишар эди ва энг муҳими ҳамма бир-биридан бир саволни сўрарди "жавобни топтингми"?

Бу интрига ҳатто уйларимизгача кириб борди, уйдагилар ҳам китобни олиб ўқий бошлашди, лекин ҳеч ким берилган топшириқни бажара олмасди. Бир ҳафта ҳам ўтди. Устоз барчани йиғдилар ва танлов якунланганини эълон қилдилар. Йиғилишда баъзи бир ўқувчиларнинг ота-оналари ҳам қатнашишди. Чуқур ҳаяжон билан натижаларни кутардик. Натижаларни эълон қила туриб: “Китобда ҳеч қандай хато йўқ. Агар китобни шунчаки ўқинглар деганимда, ҳеч ким бу китобни ўқимаган бўларди”, дедилар. Ва яна: ”Мана ҳафта давомида бир китобни биргаликда ўқидинглар, китоб юзасидан суҳбат қурдинглар ва уни тамомила чуқур таҳлил қилдинглар”, деб таъкидладилар.

Аслида биз бу китобни билмаган ҳолда деярли ёдлаб бўлган эдик. Биласизми бу китоб мен учун пойдевор ва ўз ҳаёт йўлимни белгилашда улкан ёрдам берди. Ҳақиқатан ҳам бутун умрга етарли хазинага эга бўлдим. Устозимнинг зукколиги ва фаросати мени ҳалигача лол қолдиради. Улар қўллаган услуб ҳар қандай замонавий маркетинг услубидан кучлироқ эди. Устоз бизни шунчалик чуқур билар эдиларки, қандай китоб ўқиш бизга ёқишини ўзимиздан яхшироқ билган эдилар. Шу воқеани Андижон вилоятининг кўп туманларида, хусусан бугун Избоскан туманида сўзлаб бердим. Устозимнинг зукко ва ҳикматли бўлгани бугунги семинарда қатнашган барчанинг кўнглидан жой эгаллади ва ҳақиқий намуна бўлди.

Ҳа, айтмоқчи, Устоз тавсия қилган китоб - Ал-адаб ал-муфрад, яъни одоблар хазинаси эди ва муаллиф эса Имом Бухорий эдилар. Бир умрлик хазинага эга бўлмоқчи бўлсангиз, одоблар хазинасини ўқинг .


Алишер Саъдуллаев.



Муаллиф
islom.uz
Мавзуга оид мақолалар
Бир кун шогирдларимга Агар олдингизга чет эллик бир киши келиб, бир соат вақти борлиги, шу вақт ичида Исломнинг нима эканини тушунишни хоҳлашини айтса, унга давоми...

4193 05:00 / 13.03.2017
Инсон зоти борки, бахтли бўлишни хоҳлайди. Ҳамма тарафдан яхшилик билан ўралган, ёмонликлардан қўрилган бўлишни истайди. Инсон борки, оиласи гўзал, бойлиги мўл давоми...

3121 05:00 / 09.03.2017
Кишиларга даъват, ваъзнасиҳат, тушунтириш ишларини олиб борувчиларнинг ҳадис саҳиҳ экан, деб тўғри келган жойда, ҳар бир учраган одамга айтавериши ҳам дуруст давоми...

2967 05:00 / 09.03.2017
Ўлим онлари. Ушбу онларда бизга тотган ҳамма лаззатларимиздан ва кўтарган машаққатларимиздан нима қолди..Албатта барча мўмин тавба қилишни, Аллоҳга қайтишни давоми...

4139 05:00 / 13.03.2017
Аудиолар

129940 11:58 / 10.10.2018
«Ҳилол» журнали
Китоблар

50582 14:35 / 11.08.2021