1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Жаннат райҳонлари

Payg‘ambarimiz ulovga o‘tqazgan bolalar

10:24 / 21.01.2019 7488 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Aziz bolajonlar, Payg‘ambarimiz sollallohu alayhi vasallam sizning tengdoshlaringizga o‘ta mehribon bo‘lganlari haqida bilasizmi? Bu haqda juda ko‘plab hadislar rivoyat qilingan. Keling, ulardan biri bilan tanishamiz. 

Abdulloh ibn Ja’far roziyallohu anhudan rivoyat qilinadi:

«Nabiy sollallohu alayhi vasallam safardan kelsalar, o‘z ahli baytlarining bolalari ila qarshi olinar edilar. Bas, u zot bir safardan kelganlarida qarshilariga avval men olib borildim. Bas, u zot meni oldilariga o‘tirg‘izib oldilar. So‘ngra Fotimaning ikki o‘g‘lidan biri olib kelindi. U zot uni ortlariga mingashtirib oldilar. Biz – uch kishi bir ulov ustida Madinaga olib kirildik».

Muslim va Termiziy rivoyat qilganlar.

Payg‘ambar sollallohu alayhi vasallamning o‘ta bolajon zot ekanliklari ma’lum va mashhur. U  ishi qachon bolalarni ko‘rsalar, xursand bo‘lib ketar, ularni erkalar edilar. Shuning uchun ham safardan qaytganlarida u zotni xursand qilish maqsadida birinchi bo‘lib ahli baytlaridan bo‘lgan bolachalarni qarshilariga olib borib, kutib olinar edilar. Bu ishdan Rasululloh sollallohu alayhi vasallam juda ham xursand bo‘lar edilar.

O‘shandoq safarlardan biridan qaytayogan Nabiy sollallohu alayhi vasallamning qarshilariga  birinchi bo‘lib, Abdulloh ibn Ja’far roziyallohu anhu olib borilibdi. Bas, u zot uni ko‘tarib olib, o‘z oldilariga, egarga o‘tirg‘izib olibdilar. Bu Abdulloh ibn Ja’far roziyallohu anhu uchun, albatta, katta baxt. Lekin u kishi o‘zlarining undan ham katta baxtga muyassar bo‘lganlarini keyingi jumlada bayon qilmoqdalar:

«So‘ngra Fotimaning ikki o‘g‘lidan biri olib kelindi. U zot uni ortlariga mingashtirib oldilar».

Bundan Payg‘ambar sollallohu alayhi vasallamning otasidan yosh yetim qolgan Abdulloh ibn  Ja’far roziyallohu anhuning ko‘ngli uchun o‘zlarining mahbub nabiralari Imom Hasan va Imom  Husaynlardan birlarini ortlariga mingashtirib, Abdulloh ibn Ja’farni oldilariga olib, Madinagacha kirib borganliklari ko‘rinib turibdi. Abdulloh ibn Ja’far roziyallohu anhuning o‘zlari esa xuddi shu holatni o‘zlari uchun faxr va e’zozga arziydigan narsa deb bilmoqdalar.

 

«Hadis va hayot» kitobidan

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Ey, farzand Tongda o`rnidan turayotgan kishi, avval o`ng yoniga qaraydi va ushbu duoni o`qiydi .Bismillahi va billahi va tavakkaltu alallohi. La havla va la quvvata illa billahil aliyyil aziym,. Ko`ylak kiyayotganda .Bismilloh,ni aytib, avval o`ng qo`lni, keyin chap qo`lni yengdan o`tkazadi. Boshqa давоми...

3104 13:44 / 24.10.2018
Musoning mehribon onasi Musoning singlisiga dedi Qizim, bor, ukangni qidir, shoyad u tirik bo`lsa. Alloh taolo uni saqlashni va sog`omon qaytarishni menga vaaposda qilgandi.Musoning opasi ukasini daraklab ketdi. Atrofdagilar shoh qasridagi chiroyli go`dak haqida gaplashishardi. Qiz saroy ayollarini давоми...

1558 14:00 / 03.10.2021
Bani Isroil Misrda ancha vaqt mushriklar bilan birga yashagan edi. Qibtiylar Misrda juda kop narsaga siginishlarini Bani Isroil oz kozlari bilan korardilar. Shu bois Isroil farzandlari astasekin shirkdan nafratlanmay qoydilar. Xuddi eski uy devorlaridan suv sizib kirganidek ular qalbiga ham shirk давоми...

1239 19:00 / 10.12.2022
Rivoyatga ko`ra, Hasan Bisriy hazratlari bir haj mavsumida ortida zambil bilan tavof etayotgan bir kishini ko`rdilarndash Orqangizdagi zambilni qo`yib, bemalolroq tavof etsangiz bo`lmaydimi ndashdedilar.ndash Orqamdagi zambil yuk emas, og`irligini men sezmayman. U otam bittasida onam давоми...

9956 15:35 / 10.01.2019
Аудиолар

118770 11:58 / 10.10.2018
«Ҳилол» журнали
Китоблар

40726 14:35 / 11.08.2021