1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Савол жавоб

Бефарзандлик ота онани қон груҳига боғлиқми?

10:04 / 23.01.2019 2530 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум! Устозлар бир докторнинг гапига қараганда эркак ва аёлни қон груҳлари + - бўлса улар ўртасида фарзанд бўлмас экан. Бир бирига тўғри келмас экан. Исломда бундай нарса борми?

"Зикр аҳлидан сўранг" ҳайъати:

- Ва алайкум ассалом! Йўқдан бор қилган ҳам борни йўқ қилувчи ҳам Аллоҳтаолодир. Аллоҳдан бошқаси беради деб эътиқод қилиш мутлақо нотўғридир. Фақат, бизни сабаблар ва тажрибалар асосида яшашга буюрган. Агар сабаб ва тажриба шуни айтса, унда мутахассиснинг маслаҳатига қаралади. Аллоҳ таоло “Шууро” сурасида марҳамат қилади:

 لِلَّهِ مُلْكُ السَّمَاوَاتِ وَالْأَرْضِ يَخْلُقُ مَا يَشَاء يَهَبُ لِمَنْ يَشَاء إِنَاثًا وَيَهَبُ لِمَن يَشَاء الذُّكُورَ۝ وْ يُزَوِّجُهُمْ ذُكْرَانًا وَإِنَاثًا وَيَجْعَلُ مَن يَشَاء عَقِيمًا إِنَّهُ عَلِيمٌ قَدِيرٌ۝ 

49. Осмонлару ернинг подшоҳлиги Аллоҳникидир. У Зот хоҳлаган нарсасини яратур. У Зот хоҳлаган кишисига қизлар ҳадя этур ва хоҳлаган кишисига ўғиллар ҳадя этур.
50. Ёки уларни жуфтлаб – ўғил-қиз қилиб берур ва хоҳлаган кишисини туғмас қилур. Албатта, У ўта билувчидир, ўта қудратлидир.
Инсонга ҳамма нарсани фақат Аллоҳ таоло беришининг ёрқин намунаси фарзанд масаласида кўринади. Айни шу масалада инсон ўзининг ожизлигини хис этади. Ўз хоҳишига кўра бирон нарсани бор қила олмаслигини, балки доимо Аллоҳ таолонинг мадади ва иноятига муҳтож бўлиб туришини англаб етади.
«Осмонлару ернинг подшоҳлиги Аллоҳникидир».
Осмонларда ва ерда нимаики бўлса, ҳамма-ҳаммаси Аллоҳ таолонинг мулкидир.
«У Зот хоҳлаган нарсасини яратур».
Бу ишда У Зотнинг хоҳишига ҳеч ким тўсиқ бўла олмайди. Бутун борлиқнинг Молики – эгаси ва мутлақ Холиқи бўлган ўша Зот Ўз мулкидан хоҳлаган бандасига хоҳлаган нарсасини беради. Жумладан, фарзанд бериш масаласида ҳам
«У Зот хоҳлаган кишисига қизлар ҳадя этур».
Агар ўғил ё қиз фарзанд кўриш ота-она хоҳишига кўра бўлганида, ушбу оятлар нозил бўлаётган пайтдаги жоҳилий арабларда қиз фарзанд бўлмас эди. Чунки улар қиз фарзандни ёқтиришмасди. Ҳатто қизларини тириклай кўмиб ҳам ташлашарди. Ҳолбуки, баъзилар фақат қиз фарзандлар кўришади, ўғил фарзандга зор бўлиб юришади. Бу ҳол фарзанд фақат Аллоҳнинг хоҳиши билан ўғил ёки қиз бўлишини билдиради.
«...ва хоҳлаган кишисига ўғиллар ҳадя этур».
Фақат ўғил фарзандлар кўриб, Аллоҳдан қиз сўраб юрган одамлар ҳам оз эмас.
«Ёки уларни жуфтлаб – ўғил-қиз қилиб берур…»
Аралаш фарзандлар кўриш одамлар ичида кўп тарқалган ҳолатдир.
«...ва хоҳлаган кишисини туғмас қилур».
Бундайлар озчилик бўлиб, Аллоҳ таоло ибрат учун, фарзанд одамларнинг хоҳиши билан эмас, Аллоҳнинг хоҳиши билан бўлишини кўрсатиш учун шундай қилиб қўйган.
«Албатта, У ўта билувчидир, ўта қудратлидир».
Албатта, Аллоҳ ўта билувчи ва ўта қодир Зотдир.
Ҳамма нарсани билиб қилади. Жумладан, кимга қиз, кимга ўғил, кимга ўғил-қиз беришни ёки кимни туғмас қилишни ҳам Ўзи билади. Бу ишларга Унинг қудрати етади. ("Тафсири Ҳилол" китобидан). Валлоҳу аълам!

Манба
Зикр аҳлидан сўранг
Мавзуга оид мақолалар
САВОЛ Ҳозир ҳар хил атирдухилар, айниқса французчаси кўпайиб кетди. Биз, яъни намоз ўқийдиганлар кийимларига сепиб намоз ўқиса бўладимиЖАВОБ Бисмиллаҳир давоми...

3493 18:41 / 26.04.2016
САВОЛ Ассалому алайкум устоз Агар руҳсат берсангиз сизга бир саволим бор эди. Саволим қуйидагича.Аллоҳим, гуноҳларим учун бу дунёнинг ўзида мени жазоимни бергин, давоми...

2900 20:51 / 25.04.2016
Ассалому алайкум ҳурматли Шайх ҳазратлари. Сизга қуйидаги савол билан мурожат қилмоқчиман. .Зикр аҳлидан сўранг, ойномангиз сонларидан бирида сизни давоми...

3244 16:21 / 27.04.2016
Ота ва онанинг ўлимидан сўнг, агар улар тақсимламаган бўлсалар, мерос ўғил ва қизларга тенг бўлинадимиОта ва она тирик вақтида тақсимланган нарса мерос бўлмайди. давоми...

3736 15:11 / 26.04.2016
Аудиолар

118784 11:58 / 10.10.2018
«Ҳилол» журнали
Китоблар

40734 14:35 / 11.08.2021