1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Жамият

Қўшиқ

17:57 / 07.07.2017 7124 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

1265. Ибн Аббосдан ривоят қилинади:

«У зот азза ва жалланинг «Одамлардан беҳуда сўзни сотиб оладиганлари бор» деган қавли ҳақида «Қўшиқ ва шунга ўхшаш нарсалар», деди».

Шарҳ: Улуғ саҳобий Абдуллоҳ ибн Аббос Луқмон сурасидаги мазкур оятни тиловат қилиб туриб: «Бу ердаги беҳуда нарсалар қўшиқ ва шунга ўхшаган нарсалардир», дебдилар.

Бу мавзу аввал ўтган ҳадислар шарҳида батафсил ёритилган.

1266. Баро ибн Озибдан ривоят қилинади:

«Расулуллоҳ соллаллоҳу алайҳи васаллам: «Саломни ёйинглар, саломат бўласизлар. Ашара ёмондир», дедилар».

Абу Муовия: «Ашара – беҳуда нарса», деди.

Шарҳ: Бу ҳадиси шариф ҳам аввал ўтган ва шарҳ қилинган.

1267. Фазола ибн Убайддан ривоят қилинади:

«У одамлар тўпланган жойлардан бирида эди. Унга бир қавмларнинг куба ўйнаётганлиги етди. Шунда у ғазабланиб, ўрнидан турди ва ундан шиддат-ла қайтарди. Сўнг:

«Мана шунинг ютуғини ейиш учун ўйновчи чўчқанинг гўштини еган ва қон билан таҳорат қилганга баравар», деди».

Куба – нард дегани».

Шарҳ: Мулоҳаза қиладиган бўлсак, ўша вақтда нард билан қимор ўйнаш кўпроқ тарқалганга ўхшайди. Чунки қимор бобида келган ривоятларнинг кўпи айнан нард ҳақидадир.

Фазола ибн Убайднинг қилган ишлари барчамизга ибратдир. Демак, жамиятдаги гапи ўтадиган кишилар бу ривоятдаги каби номаъқулчиликни ўзларига эп кўрган жоҳилларни бу мункар ишларидан қайтариб, қилаётган ишларининг қабоҳатини баён қилиб туришлари зарур экан. Агар шундай қилинмаса, қимор ва шунга ўхшаш зарарли ишлар жамиятда тарқалиб бораверади.


Шайх Муҳаммад Содиқ Муҳаммад Юсуф

  (Одоблар ҳазинаси китобидан)



Муаллиф
islom.uz
Мавзуга оид мақолалар
Ҳар биримиз ўзимизнинг ҳаражатларимиз учун пул топишимиз керак. Баъзилар кунларининг маълум қисмини офисда ёки савдо мажмуасида бошқалар ўзининг шахсий иши давоми...

5848 16:00 / 28.09.2021
Ҳикоя қилинишича, араб чавандози саҳрода от устида борар эди. Йўлда ташналикдан қийналаётган бир кишини кўриб қолди. Бояги одам чавандоздан сув сўради. Чавандоз давоми...

3426 14:00 / 19.08.2022
Инглиз, француз, рус ва бошқа тилларни билиб, ўрганиш яхши ҳолат. Айниқса бугунги кунда. Бироқ бу тиллар шу миллат кишилари билан мулоқот воситаси бўлади холос. У давоми...

1942 10:30 / 27.02.2022
Машҳур бўлишга интилиш, доимо диққат марказида бўлишга хоҳиш шаҳватдан ҳисобланади. Инсон бунга ўзи билмаган ҳолда ҳам интилади. Бу йўлда у кибр, риёкорлик ва давоми...

2765 14:00 / 29.06.2022
Аудиолар

118776 11:58 / 10.10.2018
«Ҳилол» журнали
Китоблар

40727 14:35 / 11.08.2021