Шом намозидан кейин Қуръон ўқиб бўлмайди дейишди.
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Шом намозидан кейин Қуръон ўқиб бўлмайди дейишди. Чиндан ҳам шундайми?
Намозлардан кейин ўқиладиган тиловати Қуръонлар намозга ҳеч қандай алоқаси йўқ нарсалар. Яъни намозни амалларини ҳисобланмайди, фақат бизни диёрларимизда савобни кўпроқ олиш, Қуръонни яхшироқ ўқиш, кўпроқ эшитиш ҳамда ўтганларга бир бағишлаб қўйиш мақсадида жорий қилиб одатга айланиб қолган бир ҳолат. Бундай қироатларни намоздан ҳисобламаслик лозим, намоз салом бериш билан тугайди. Бу намоздан кейин қилинадиган одамлар одатига айланиб қолган савобли ишлардан бири ҳисобланади. Ана шу нарса урф бўлиб турганда шароитга қараб, бизни диёримизни одамлари шом намозидан кейин одатдаги бошқа намозларда қиладиган қироатларини қилмаганлари учун шу нарса жорий бўлиб қолган. Бу дегани шомдан кейин Қуръон ўқиб бўлмайди дегани эмас, балки "масжидларда одамлар шомдан кейин Қуръон ўқишга одатланмаганлар" десак бўлади. Хоразмда ўқишади, ўрганиб қолишган шунга мана шу нарсани биз тушунишимиз керак, англаб етишимиз керак.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
