1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Савол жавоб

Айкидо шарқ кураши санъатига қатнайман.

16:03 / 27.04.2016 2979 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум, Шайх ҳазратлари!
Мен мана 4 йилдирки Айкидо шарқ кураши санъатига қатнайман. Ҳозирда яшил белбоғ (биласизки, уларда сариқ, яшил ва қора белбоғ соҳиблари бўлади) учун имтиҳон топширмоқчиман. Аммо мени ўйлантираётган нарса уларнинг бир-бирларига бош эгиб рукуъ каби ҳаракат қилишлари. Ўзимизнинг дарсларда бу ҳаракатни мен қилмайман (тренеримиз тушунадиган одам) аммо ҳозир белбоғ олиш учун бошқа шаҳарга семинарга кетяпман ва у ерда мана шу ҳаракатни қилмасам белбоғ соҳиби бўла олмаслигим мумкин. Шунинг учун рақиб билан сал бошимни эгиб (ҳатто кўзимни ҳам ерга қаратмасдан) саломлашсам бўладими? Бу инсонга рукуъ қилишга кириб қолмайдими?
Ўтириб қилинадиган машқларда бир-бирларига сажда қиладилар ҳисоб. Бу ҳаракатни ҳам умуман қилмайман. Аммо яқинда айтишдики тиззани ерга қўйиб бир қўлга суяниб саломлашсанг ҳам бўлади деб. Шу шаклдага ҳаракат қилишим Исломга зид бўлмайдими?

ЖАВОБ: Бисмиллаҳир роҳманир роҳийм.
Имом Термизий Анас розияллоҳу анҳудан ривоят қиладилар:
«Бир киши:
«Ё Аллоҳнинг Расули! Биздан бир одам ўз биродари ёки дўстини учратиб қолади. Ўшанда унга инҳиноъ қиладими?" деди.
«Йўқ», дедилар.
«Уни қучоқлаб, ўпадими?» деди.
«Йўқ», дедилар.
«Қўл ушлашиб кўришадими?» деди.
«Ҳа», дедилар».
Ҳадисдаги «инҳиноъ» сўзини «эгилиш» деб таржима қилинганидан келин салом берганидаги эгилиши шу ҳадисга биноан мумкин эмас деган хулоса чиқариш мумкин. Аммо эгилиш билан эгилишнинг фарқи бор.
Уламоларимиз бу ҳадисдаги «инҳиноъ» намоздаги рукуъга ўхшаш эгилиш деганлар.
Фақиҳлар жумҳури: агар бир киши бош-қа одамни Аллоҳни улуғлагандек, улуғлаш нияти ила унга намоздаги рукуъ даражасида эгилиб таъзим қилса, ҳаром ишни қилган бўлади, деганлар.
Аммо Аллоҳни улуғлагандек улуғлаш нияти бўлмаса, қаттиқ макруҳ иш бўлади.
Одамлар одатланиб қолган саломлашиш вақтида бошни эгиш ва энг оз рукуъ даражасига етмай эгилишда куфр ҳам, ҳаром ҳам йўқ, деганлар. Валлоҳу аълам.

Муаллиф
islom.uz
Мавзуга оид мақолалар
СаволАссалому алайкум, ҳурматли Шайх Ҳазратлари Ийд Ал Фитр муборак Масжидга бомдодга кириб бориб, фитр садақасини бириш ниятимиз бўлсада, йўлакда турган қутини давоми...

2963 16:30 / 24.12.2017
СаволАссалому алайкум Агар хонада чумолилар кўпайиб кетган бўлса нима қилиш керак Хонада кичкина болалар яшайди, шунга хавотирдаман. Чумолиларни йўқ қилиш учун давоми...

5201 09:50 / 03.05.2018
Савол Ассаламу алайкум, ҳурматли Шайх Ҳазратлари Куни кеча Жума намозини ўқиш учун Кўкча масжидига чиқдим. Маъруза давом этаркан, икки кишининг суҳбати давоми...

2931 21:12 / 22.04.2016
Ассалому алайкум Биринчи ёки иккинчи ракатда зам сура ўқимаганлигини билиб қолса намозни қайта ўқиладимиquotЗикр аҳлидан сўрангquot ҳайъати Ва алайкум ассалом давоми...

3071 10:13 / 04.12.2018
Аудиолар

118789 11:58 / 10.10.2018
«Ҳилол» журнали
Китоблар

40740 14:35 / 11.08.2021