Дунёдан ўтган отаси учун қурбонлик қилиш мумкинми?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бизнинг оилада бир неча балоғатга етган киши бор. Қурбонлик қилишда бир оила номидан оила бошлиғи, яъни ота қурбонлик сўйиши етарлими ёки маблағ етарли бўлса ҳар бир балогатға етган киши номидан қурбонлик қилиниши керакми? Шунингдек, дунёдан ўтган отаси учун қурбонлик қилиш мумкинми?
Қурбонлик қилишда шарт шуки, қурбонлик қиладиган одам бой бўлиши керак, вожиб бўлиши учун. Бой бўлиши қаердан билинади деса закот берадиган даражадаги нисобга етган моли бўлиши керак. Муқим бўлиши керак, мусофир бўлса ҳам бўлмайди. Мана шу қоидадан келиб чиқадиган бўлсак бир оилада фақат ота молик бўлса, мол-дунё унинг ихтиёрида бўлса ота ўзи топиб, ўзи сарфлаб, ўзи закот бериб юрган бўлса-ю болалари алоҳида ажрамаган камбағал нисобга етадиган пули бўлмаса отани ўзини қилгани кифоя қилади. Аммо ўғиллари ўзига мустақил бўлиб, пуллари алоҳида ҳисоб-китоблари алоҳида ва ўша пуллари нисобга етган бўлса, албатта улар ҳам ўзларини номидан қурбонлик қилишлари лозим бўлади. Вафот этиб кетган одамнинг номидан қурбонлик қилиш урф бўлмаган. Лекин, ўша вафот этаётган одам васият қилган бўлса "мана шуни ният қилиб қўйган эдим, мабодо вафот этиб этиб кетсам мана шуни қилиб қўйларинг" деса қилса бўлади.
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
