Сажда ояти учун қандай сажда қилинади?
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому Алайкум, Ҳурматли Шайх Ҳазратлари! Намозда сажда ояти келган сура ўқилса, сажда қай тартибда амалга оширилади?
Бу гап бошланғич китобларда ҳам бор. Ушбу сайтда бор. Излаб топиб, ўқиб олсангиз бўлмайдими?! Ҳозир мен саволлар саҳифасини очган эдим, қизил ҳарфлар билан “излаш хизмати” деб ёзилган саҳифа очилди. Ўша ёзувни босган эдим, савоб бериш жойи очилди. “Қироат саждаси” деб ёзиб “кириш”ни босган эдим 39 сонияда 641та жавоб чиқди. Ҳаммаси сиз сўраган саволнинг жавобига оид. Биз шу хизматларни сизлар учун қилганмиз. Китобларни ҳам. Ҳар бир одамга, ҳар бир масалани алоҳида-алоҳида ёзиб, айтиб бериш имконимиз йўқ. Бошқа ишлар жуда ҳам кўп. Уларни бажариш аҳамиятли. Ҳар куни сизлардан ўртача 20 – 30 та савол келади. Ҳар куни ўртача ўн бет атрофида янги китоби ёзиш керак. Ҳафтада беш кун дарс бор. Маълум кунларда одамларнинг қабули бор. Овозли китоблари қилиш керак. Йигирмадан ортиқ сайтга қараш керак. Одамларга ўртача икки марта маъруза қилиш керак. Шунга ҳам бир ярим, икки соат кетади. Бундан бошқа ишлар ҳам мавжуд. Сизлардан ўтиниб илтимос қиламан, менга кўмакчи бўлинглар. Сизлар учун тайёрлаб қўйилган шароитлардан тўлиқ фойдаланинглар. Менинг вақтимни зое бўлишига сабабчи бўлманглар. Мен яхши тушунаман. Сизлар бевосита мулоқот бўлишини истайсизлар. Аммо тайёр жавобларни ўқиб олишингиз ҳам мулоқотдир. Ўқиб тушуна олмаган нарсаларни сўранглар.
Ушбу саволнинг соҳибасига алоҳида ташаккур айтаман. Анчадан бери айтаман деб юрган гапларни айтишга сабабчи бўлдилар. Аллоҳ таоло хайрларини берсин! Динимизга, ибодатга бўлган қизиқишларини зиёда қилсин! Аллоҳ таолонинг розилигини топиб, икки дунёнинг саодатига муяссар бўладиган бандалардан бўлишларини насиб қилсин!
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
