1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
islom.uz-1434

Танловга: Пайғамбаримга муҳаббат

15:56 / 19.04.2017 4430 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Келди ҳаёлимга бир ажиб ҳикоят,

Қилган эди уни Ваҳб2 ривоят.                                

Бани Исроилда бир осий бор эди: 

Юз йил исён қилди, жуда зулмкор эди.

Умри тугаб, жонин Ҳаққа топширди,

Денгиз кўпигидан гуноҳларин оширди.

Қавм деди: “Бу осийни кўммоқ- айбдир,

Бунга жаноза, кафан ҳам ҳайфдир”.

Улоқтирдилар кимсасиз ахлатхонага,

Бормадилар ҳолин сўраб мотамхонага.

Аллоҳ туширди дарҳол Мусога ваҳий

Қавминг ундоқ қилмасинлар қилгин наҳий.

Шунда Мусо: “Ё Роббий, у зулмкор эди,

Қавмим ундан норизо”,—деди.

Аллоҳ айтди: “Унда бир маҳбуб амал бор,

Қилай ундан сен ва қавминг хабардор”.

Тавротни очиб кўрса, Муҳаммад исми

Тўларди муҳаббат ила жисми.

Ўпарди, саловот айтиб Муҳаммад исми,

Шу боис гуноҳларин кечирдим.

Номаи аъмолидан хатоларин ўчирдим.

Бани Исроилдаги осий бир уммат

Кўрсатди Пайғамбаримга олий ҳурмат.

Шул сабабдан эришди мағфиратга.

Йўл олди ҳузур ила охиратга.

Бошқа уммат вакили эришди шундоқ офиятга:

Уммат бўлатуриб эришмасак, қолурмиз уятга.

Биз ҳам кўрсатайлик у зотга эҳтиром.

Сукунат нозил бўлсин, қалблар олсин ором.

Даъво қилсангиз муҳаббати Аллоҳ

Деди каломида “Фаттабиъууниий юҳбибкумуллоҳ”3

Қилинг Пайғамбаримга эҳтиром, таъзим,

Мақталгандир “Иннака лаъалаа хулуқин аъзийм”4


* * *

Шеър муаллифи: Андижон шаҳар “Ҳазрати Билол” жоме масжид имом хатиби Ровшан Бахтиёр ўғли

______________________________________________________     

2 Ваҳб ибн Мунаббиҳ ибн Комил ибн Сийж ибн Зии кибор. Куняси Абу Абдуллоҳ 34 ҳ.с, 654 м.с да Усмон розияллоҳу анҳу халифалик пайтида Санъода туғилган.Тобеинлардан. Муаррих, қадимги китоблардан хабардор, хусусан, исроилиётларни кўп ривоят қилган. Вафотида ихтилоф бор (110, 113) 114 ҳ.с, 732 м.с да в.э.  

3 Оли Имрон сураси, 31-оят. Маънолар таржимаси юқорида ўтди.

4 Қалам сураси, 4-оят. Маънолар таржимаси қуйида келади.

Муаллиф
islom.uz
Мавзуга оид мақолалар
Кунлар қиздира бошлаган, совуқнинг шашти сўнган, осмонга хукмронлик қилишга даъвагар булутлар, бир бири билан мусобақалашгандай тинмасдан харакатланаётган эрта давоми...

2516 14:58 / 19.04.2017
Бисмиллаҳир роҳманир роҳиймҲамдлар фақат Аллоҳ таоллога, саловатларнинг сараси эса Унинг ҳабиби ва расули Муҳаммад Мустафога бўлсин...Руҳни хамиша нафсдан давоми...

5063 15:51 / 19.04.2017
Сийрат китобларидан бирини ўқир эканман, олдин эътиборимни тортмаган бир воқеага эътибор қилдим. Ишда ҳам бошқа вақт ҳам шу воқеа тезтез хаёлимга келаверди. Шу давоми...

2309 15:23 / 19.04.2017
ОИЛА Оила тушунчаси мукаддас деб бежизга айтилмайди. Чунки Ватан оиладан бошланади. Оила мстаҳкамлигиВатан мустаҳкамлиги, оила тинчлиги юрт тинчлигидир. давоми...

2694 15:09 / 19.04.2017
Аудиолар

118720 11:58 / 10.10.2018
«Ҳилол» журнали
Китоблар

40689 14:35 / 11.08.2021